Zaqatalaya yağan leysan yağışları bir sıra fəsadlar törədib.
BUTA.TV APA-ya istinadla xəbər ki, may ayının ilk günlərindən başlayaraq ölkənin şimal-qərb bölgəsində qeyri-sabit hava şəraiti hökm sürür.
May ayının 15-i axşam saatlarından rayon ərazisində yenidən yağıntılar intensivləşib. Gecə saatlarında dağlıq ərazilərə yağan leysan yağışları səbəbindən rayonun ən iri dağ çaylarından olan Böyük çay və Tala çaylarında suyun səviyyəsi həddən artıq çoxalıb.
Böyük çaydan qısamüddətli sel keçib. Çayın bəzi hissələrinin məcrasından çıxması səbəbindən Bəhmətli kəndinin bəzi fındıq bağlarını və həyətyanı sahələrini sel suları dolub. Yevlax-Zaqatala-Gürcüstan sərhəd magistral yolunun Lahıc və Bəhmətli kəndləri yaxınlığından keçən hissəsində avtomobillərin hərəkətində çətinliklər yaranıb. Tala çayında suyun həddən artıq çoxalması səbəbindən rayonun Höytala və Yolayrıc kəndlərinin əraziləri sel sularının basması təhlükəsi ilə üzləşib.
Hazırda müvafiq qurumlar əraziyə ezam olunub, fəsadların aradan qaldırılması istiqamətində işlər aparırlar.
- Rusiya Zəngəzur dəhlizinin bahalığından “narahat” oldu
- Türkiyə ilə Ermənistan arasında yeganə hüquqi sənəd...
- Ukrayna müharibəsi təhlükəsizliyə ciddi zərər verir - Rəfiyev
- TRT-dən tarixi Azərbaycan şəhəri ilə bağlı böyük səhv addım
- İlham Əliyev Ərdoğana zəng etdi
- Nazirlərin adından yayılan xəbərlərlə bağlı rəsmi açıqlama
- Fransada müəmmalı ölümlər: Makronun arvadının sirli işləri
- Şaranın Azərbaycan səfəri: Vacib olan məqamlar hansılardır?