“KazTransOil” (Qazaxıstanın əsas neft kəmərinin milli operatoru) 2024-cü ildə Azərbaycan ərazisindən sonrakı ixrac üçün Aktau limanına 1,5 milyon ton neft göndərəcək.
BUTA.TV xəbər verir ki, “KazTransOil” şirkətindən bildirilib.
"2024-cü ildə Aktau limanı vasitəsilə Bakı (Bakı-Tiflis-Ceyhan) istiqamətində 1,5 milyon tona qədər neftin nəqli planlaşdırılır", - deyə qeyd olunub.
Eyni zamanda, mənbənin məlumatına görə, 2024-cü ilin birinci rübündə Aktau limanı vasitəsilə Bakı istiqamətində 355 min ton neft daşınıb.
Qeyd edək ki, 2023-cü ilin sonunda “KazTransOil” şirkətinin imkanlarından istifadə etməklə Aktau limanında tankerlərə neftin yüklənməsi 3,376 milyon ton, o cümlədən Bakı-Tiflis-Ceyhan istiqamətində 1,057 milyon ton təşkil edib. Ümumilikdə, 2023-cü ildə Qazaxıstan BTC ilə 1,392 milyon ton neft nəql edib ki, bu da 2022-ci illə müqayisədə 5,5 dəfə çoxdur.
Xatırladaq ki, 2022-ci ildə Qazaxıstan prezidenti Qasım-Jomart Tokayev Transxəzər dəhlizi ilə neft nəqlinin həcminin artırılması barədə göstəriş verib. Bu göstərişə uyğun olaraq “KazMunayQaz” SC və Azərbaycan Dövlət Neft Şirkəti (SOCAR) "Tengiz" yatağından Bakı-Tiflis-Ceyhan neft boru kəməri istiqamətində ildə 1,5 milyon ton neftin nəqlini nəzərdə tutan saziş bağladılar.
Bundan əlavə, Qazaxıstan prezidenti Qasım-Jomart Tokayevin martın 11-12-də Azərbaycana səfəri zamanı “KazMunayQaz” və SOCAR BTC ilə neft nəqlinin həcminin ildə 2,2 milyon tona çatdırılması haqqında saziş imzalayıblar.
- Prezidentin Şuşada verdiyi tarixi mesajlar - 15 sentyabr detalı…
- Putini bir müsahibə ilə darmadağın etdi...
- Üç il öncə “yoxa çıxan” nazir Şuşada peyda oldu - Foto
- Avanesyana Xankəndidə terror əmrini kim verə bilərdi?
- Bakıda böyük dəyişiklik: Bu ərazilər yenidən qurulacaq - VİDEO
- Putinin masasındakı “gizli qovluq”da nələr var? - Şok faktlar
- Ermənilər Göyçədən gedir: Qərbi Zəngəzurda nə baş verir?
- AYNA rəhbəri ABŞ-da gizlənən İlqar Hacıyevin milyonluq villasını alır — EKSKLÜZİV