Ermənistan baş naziri Nikol Paşinyanın Azərbaycan Konstitusiyasında guya ərazi iddiasının olması ilə bağlı hansısa bir müddəanın yer almasına dair yanaşması tamamilə məntiqsizdir. Əslində Ermənistan konstitusiyasında və digər qanunverici aktlarında Azərbaycana qarşı ərazi iddiaları mövcuddur. İndiki halda Paşinyan buna qarşı özünün əsassız arqumentlərini ortaya qoymağa çalışır.
BUTA.TV xəbər verir ki, bunu Teleqraf.com-a siyasi şərhçi Asif Nərimanlı deyib.
O qeyd edib ki, Paşinyanın məqsədi Azərbaycanın haqlı tələblərini gündəmdən çıxarmaqdır:
“Azərbaycan Respublikası Azərbaycan Xalq Cümhuriyyətinin varisi olduğu üçün erməni tərəfi tarixi Azərbaycan torpaqlarına iddia edəcəyini düşünür. AXC-nin varislik prinsipi Azərbaycan Konstitusiyasında əksini tapıb. Ermənistan tərəfi isə bunu özlərinə qarşı ərazi iddiası kimi yozmaq niyyətindədir”.
AYNA rəhbəri ABŞ-da gizlənən İlqar Hacıyevin milyonluq villasını alır — EKSKLÜZİV
Siyasi şərhçiyə görə, əslində Paşinyan AXC dövründə Azərbaycanın hansı ərazilərə sahib olduğunu bir növ etiraf edib:
“Sadəcə olaraq o öz istəyi ilə bunu demir. Arqumentlərini gücləndirmək üçün belə gediş edir. Amma bu məsələdən Azərbaycan əks-arqument kimi istifadə edə bilər”.
Asif Nərimanlı hesab edir ki, bu günə qədər erməni tarixçilərinin bütün əsassız iddiaları elə Paşinyanın arqumenti ilə alt-üst edilir:
“Faktiki olaraq onlar Zəngəzur, Göyçə, Dərələyəz və digər torpaqların tarixi Azərbaycan ərazisi olduğunu etiraf edib. Bu amil Azərbaycanın digər istiqamətlərdə atacağı addımlarda əlini gücləndirə bilər. Bunun Zəngəzur dəhlizi məsələsinə təsiri ilə bağlı da arqumentlər var. Azərbaycan Nüvədi kəndini tələb etməklə Zəngəzur dəhlizinin 12 km-ə qədər azalmasına nail olar”.
- Pakistan səfirindən Zəngəzur açıqlaması: Bir neçə seçim...
- BƏƏ prezidentinin Şuşada rəsmi qarşılanma mərasimi...
- Hava limanında taksi 4 dəfə bahalaşdı – AYNA isə hamını ələ salır
- Lavrov təsdiqlədi: Azərbaycan bu müsabiqəyə qatılmayacaq
- Prezidentin Şuşada verdiyi tarixi mesajlar - 15 sentyabr detalı…
- Putini bir müsahibə ilə darmadağın etdi...
- Üç il öncə “yoxa çıxan” nazir Şuşada peyda oldu - Foto
- Avanesyana Xankəndidə terror əmrini kim verə bilərdi?