Bakının Zəngəzur dəhlizi ilə bağlı tələbi də sülh sazişi sənədində var, sadəcə olaraq, bu haqda danışmırlar. Çünki Əliyev bu məsələnin həllinin cibində olduğunu hesab edir, ona görə də bunu qeyd etmir.
BUTA.TV Publika.az-a istinadən xəbər verir ki, bu barədə Ermənistanın keçmiş xarici işlər naziri Vardan Oskanyan Prezident İlham Əliyevin Rusiya mediasına müsahibəsində sülh sazişinin detalları haqda fikirlərinə münasibət bildirərkən deyib.
Oskanyan iddia edir ki, Azərbaycan Zəngəzur dəhlizini özü nəzarətə götürəcək.
“Paşinyan dəhlizlə bağlı vəd verib və Bakıda hesab edirlər ki, bu, onlara dəhlizi nəzarətə götürmək hüququ verir. Ermənistan hakimiyyəyi dəhlizi “qırmızı xətt” adlandırsa da, reallıq fərqlidir. Bu, Paşinyanın “Qarabağ Ermənistandır” dedikdən sonra “Qarabağ Azərbaycandır” deməsini xatırladır”, - Oskanyan iddia edib.
Qeyd edək ki, Prezident İlham Əliyev Rusiya mediasına müsahibəsində sülh sazişinin 17 maddədən ibarət olduğunu, 15 maddənin razılaşdırıldığını, 2 maddənin isə müzakirə edildiyini açıqlayıb. Bu maddələr bir-birinə qarşı beynəlxalq iddialardan imtina və sərhəddə üçüncü tərəflərə məxsus qüvvələrin yerləşdirilməməsidir.
- Rusiya qayıdır, Nikol tələsməlidir: Sülh üçün son addım…
- Rəsmi İrəvan Bayramovun bu açıqlamasını təsdiqlədi
- Nikol: Azərbaycan üzərindən Rusiyaya çıxmaq istəyirik
- Putin hərbi forma geyindi: media isə işi “korladı” - VİDEO
- İrəvan təkliflərimizi qəbul etdi, sülh danışıqları yekunlaşdı
- Rusiya-ABŞ-dan çox, bu ölkələrin rəqabətini görəcəyik
- Rus sülhməramlılar bu məlumatı bizdən gizlədiblər - Akopyan
- Məqsəd budur: Putin imtina etsin, Tramp isə... – Arkov