Azərbaycanın Baş naziri Əli Əsədov qazaxıstanlı həmkarı Oljas Bektenov arasında növbəti telefon danışığı baş tutub.

Bu barədə BUTA.TV-a Nazirlər Kabinetindən məlumat verilib.

Qeyd edilib ki, hökumət başçıları ötən gün baş vermiş təyyarə qəzası ilə əlaqədar bir-birilərinə və həlak olan şəxslərin ailə üzvlərinə və yaxınlarına başsağlıqlarını ifadə edib, xəsarət alanların tezliklə şəfa tapmasını diləyiblər.

Ə.Əsədov qəza baş verdikdən dərhal sonra axtarış-xilasetmə əməliyyatının həyata keçirilməsində yüksək operativlik göstərdiyinə və hadisə ilə bağlı bütün məsələlərdə yaxından dəstək verdiyinə görə Qazaxıstan tərəfinə təşəkkür edib.

O.Bektenov bu gün Azərbaycanın Astanadakı səfirliyini ziyarət etdiyini, qəza nəticəsində çoxsaylı insan ölümü ilə əlaqədar dərin hüznlə başsağlığı verdiyini, səfirlikdə açılan xatirə kitabında qeyd qoyduğunu bildirdi.

Telefon danışığı zamanı qəza nəticəsində xəsarət alanlara və yaralananlara Azərbaycan və Qazaxıstanın aidiyyəti qurumları tərəfindən yüksək koordinasiya şəraitində təxirəsalınmaz yardım göstərilməsi, sağ qalan Azərbaycan vətəndaşlarının, habelə həlak olan şəxslərin cəsədlərinin ölkəmizə gətirilməsi, həmçinin hadisə ilə bağlı bir sıra digər çevik cavab tədbirləri ətrafında fikir mübadiləsi aparıldı.

Eyni zamanda hadisənin baş vermə səbəblərinin araşdırılması ilə bağlı cinayət işi üzrə birgə aparılan istintaqın gedişi müzakirə olundu.

• İran və Oman XİN rəhbərləri regionu müzakirə etdilər
• 26 mərtəbəli bina cəmi 120 saata tikildi - Video
• Qocalar evində güclü yanğın: 16 nəfər həlak oldu
• Bu ölkədə 200 minə yaxın vətəndaşın bank hesabı bloklandı
• Yasamalda maşın sərnişin avtobusuna çırpıldı - Fotolar
• Husilər raket istehsalında süni intellektdən istifadə edir?
• Rusiyanın yerini Türkiyə dolduracaq, İsrail isə... - KİV
• “İstisu” içəcəyik, öz suyumuzu” - Prezidentlərin yolu ilə