Rusiyanın Yekaterinburq şəhərində daha bir azərbaycanlı şəxsə hücum edilib.

“BUTA TV” Ura.ru-ya istinadən xəbər verir ki, “KRİK-TV”nin əməkdaşı Aleksey Kuznetsov Yekaterinburqdakı “Baku Plaza” ticarət mərkəzində yerləşən “Nar&Sharab” restoranında çalışan Telli adlı xanıma hücum edib. Bildirilib ki, Kuznetsov çəkiliş qrupu ilə birlikdə restoran açılmamışdan əvvəl oraya gəlib və onları içəri buraxmağı tələb edib.

Restoran işçisi onlara yaxınlaşaraq iaşə müəssisəsinə gəlmə səbəblərini öyrənmək istəyib və bildirib ki, məkan saat 12:00-da açılır.

Bu zaman həmin şəxslər qışqıraraq qadını videoya çəkib və yenə də restorana daxil olmağa təkid ediblər.

Daha sonra A.Kuznetsov Tellinin əlindən tutaraq onu küçə boyu sürükləməyə başlayıb, xəsarət yetirib, daha sonra isə pencəyindən yapışaraq yerə yıxmağa cəhd edib.

Hadisə Rusiya Milli Qvardiyasının əməkdaşlarının gözü qarşısında baş verib və müşahidə kameralarına düşüb.

Hücumdan sonra “KRİK-TV” əməkdaşları qışqıraraq təhqir və təhdidlər səsləndirməyə davam ediblər.

Restoran işçisi isə bildirib ki, Aleksey Kuznetsov onu müxtəlif istiqamətlərə sürükləməyə başlayanda fiziki ağrı və böyük qorxu hiss edib: “Məni öldürəcəyini düşünürdüm. Həyatım üçün qorxuram”.

Həmçinin məlumatda qeyd olunub ki, həmin telekanal son iki il ərzində Sverdlovsk vilayətində yaşayan azərbaycanlılara qarşı məqsədyönlü təzyiq göstərməkdə ittiham olunur, yalan məlumatlar yayımlayır və milli ədavəti qızışdırır. Bu səbəbdən “KRİK-TV”yə qarşı dəfələrlə şikayətlər daxil olub.

Xatırladaq ki, iyunun 27-si səhər saatlarında Rusiya Federal Təhlükəsizlik Xidməti Yekaterinburq şəhərində azərbaycanlıların yaşadığı evlərə basqın edib. Hadisə zamanı 2 azərbaycanlı öldürülüb, bir neçə nəfər saxlanılıb. Öldürülən azərbaycanlılar tanınmış jurnalist Seyfəddin Hüseynlinin qardaşlarıdır.

• “Kinolardakı driftləri təkrarlamaq istəyirlər” - 16 yaşlılara hansı halda icazə var?
• DÇ-2026: Braziliya və Türkiyənin növbəti oyunu...
• Həftəsonu 365 nəfər təkrar imtahan verəcək
• Bir araya gəldilər, bircə onu çağırmadılar - Fotolar
• DÇ matçında futbolçunun ayağı sındı - Dəhşətli anlar - Video
• Atalarının izi ilə gedən 3 oğul 32 il sonra eyni anda meydana çıxdı - Foto
• Bakı, Salyan və Masallının bu ərazilərində işıq olmayacaq
• Qurban Qurbanovun qovduğu Elvin ən bahalı azərbaycanlı futbolçudur