Son vaxtlar bəzi bankların yeni nəsil ATM-lərində yerləşdirilən “Fingerprint” (barmaq izi) modulu vətəndaşların diqqətini çəkib. ABB, “Kapital Bank” və “Unibank” kimi bankların bir sıra bankomatlarında görünən bu qurğunun hansı məqsədlə quraşdırıldığı və hazırda istifadə olunub-olunmadığı ilə bağlı suallar yaranıb.

Məsələ ilə bağlı Azərbaycan Banklar Assosiasiyasının (ABA) eskperti Azər Rəsulov BUTA.TV-a açıqlamasında bildirib ki, ATM-lərdə yerləşdirilmiş “Fingerprint” modulu hazırda aktiv istifadə rejimində deyil. Bu səbəbdən toxunma zamanı hər hansı reaksiya müşahidə olunmur.

“Hazırda müştərilər tərəfindən barmaq izi vasitəsilə əməliyyat icrası mümkün deyil. Banklar alternativ və daha təhlükəsiz autentifikasiya üsullarına üstünlük verirlər. Xüsusilə mobil tətbiqlər üzərindən biometrik təsdiq və QR kod əsaslı kartsız əməliyyat mexanizmləri prioritet istiqamət kimi qiymətləndirilir. Bu səbəbdən yaxın perspektivdə barmaq izi üzərindən ayrıca əməliyyat funksionallığının tətbiqi planlaşdırılmır”, - o qeyd edib.

A.Rəsulov vurğulayıb ki, mövcud mərhələdə “Fingerprint” texnologiyasının PIN kodu tam əvəz etməsi də nəzərdə tutulmur:

“Banklar təhlükəsizlik baxımından çoxfaktorlu autentifikasiya mexanizmlərinə üstünlük verirlər.

Barmaq izi texnologiyasının ayrıca xidmət kimi tam istifadəyə verilməsi ilə bağlı hazırda təsdiqlənmiş tətbiq planı mövcud deyil.

Hazırda ATM-lərdə barmaq izi məlumatlarının toplanılması, saxlanılması və ya hər hansı dövlət informasiya bazası ilə inteqrasiyası həyata keçirilmir”.

• Bu gün üç rayonda işıq olmayacaq
• Prezident sabah böyük maliyyə tutumlu Sərəncam imzalayacaq
• “Bu termində təhqiramiz bir məna axtarmaq lazım deyil” - İlham Əliyev
• “İstisna edilmir ki, gələcəkdə yeni xoşagəlməz hadisələr baş verməsin”
• Bakının bu iki küçəsində hərəkət tam məhdudlaşdırılacaq
• “Sabah” pley-offda! - Video-Yenilənib
• Bakının bu rayonlarında qaz olmayacaq
• Müəllimlərin işə qəbulu üzrə müsabiqənin nəticələri