2026-cı il iyunun 5-nə keçən gecə Azov dənizinin Taqanroq körfəzində iki yük gəmisi - Türkiyədən Rostov-na-Donuya taxıl yükləmək üçün ballast vəziyyətində hərəkət edən “Natra” və “Zirkon” quru yük gəmiləri pilotsuz uçuş aparatlarının hücumuna məruz qalıb. Hücumlar nəticəsində beş nəfər həlak olub.
BUTA.TV Trend-ə istinadla xəbər verir ki, bu barədə yerli mətbuata istinadən Bakı vaxtı ilə saat 04:04-də daxil olmuş və redaksiyanın sərəncamında olan Taman Dəniz Xilasetmə və Koordinasiya Mərkəzinin məlumatında bildirilir.
"Natra" gəmisinə dörd PUA zərbəsi endirilib, ekipajın iki üzvü həlak olub. Yanğın ekipaj üzvləri tərəfindən söndürülüb, gəmi suyun üzərində qalır və yedəyə alınmasına ehtiyac var. ‘Zirkon’ gəmisində də üst tikili hissəsinə dörd zərbə qeydə alınıb, ekipajın üç üzvü həlak olub. Ekipaj üzvləri xilasedici qayıqlarla gəmini tərk edib, gəmidə yanğın davam edir”, - deyə operativ məruzədə qeyd olunur.
“Natra” quru yük gəmisində (Beliz bayrağı altında üzür) 12 nəfər, “Zirkon” quru yük gəmisində (Palau bayrağı altında üzür) isə 14 nəfər olub. Onların hamısı fərdi qaydada muzdlu dənizçi kimi işə götürülmüş Azərbaycan vətəndaşları olub. Hər iki gəmi xarici bayraq altında üzür və Azərbaycan dövlətinə aid deyil.
Hücumlar arasında bir saatdan bir qədər artıq vaxt fərqi olub: “Natra” saat 00:45-də, “Zirkon” isə saat 01:55-də vurulub.
Sağ qalan dənizçilər faciə baş verən ərazidən keçən üç gəmi tərəfindən xilas ediliblər. Səhərə yaxın bütün xilas olunanlar Yeysk limanına çatdırılıb. Suyun üzərində qalan və zədələnmiş “Natra” gəmisinin yedəyə alınması üçün iki yedəkçi gəmi hadisə yerinə göndərilib.
- Bu qurum "Azərişıq" barədə iş qaldırdı: Məcburi göstəriş...
- “Merts tarix kitablarına həkim kimi də düşə bilər, məzarqazan kimi də”
- Şəhid anası evlə bağlı müraciət etdi - 5 ildir, növbədə imiş
- Pərvin Abışova və Sevil Mövsümova saxlanıldı
- Qarabağdakı ödənişli yoldan möhtəşəm görüntülər - Video
- Azovda azərbaycanlıların olduğu gəmilər vuruldu: ölənlər var
- Milli Qəhrəmanın ailəsinə ağır itki - Foto
- Zeynəb Cavadlı eks-ərinin şikayəti əsasında saxlanılıbmış