Diplomatik xidmətə müddətli həqiqi hərbi və ya alternativ xidmətə çağırılma ilə xitam verildikdə əməkdaşa orta aylıq dövlət məvacibinin 3 misli həcmində müavinət ödənilməsi nəzərdə tutulur.

BUTA.TV Teleqraf-a istinadla xəbər verir ki, məsələ Milli Məclisin bu gün keçirilən plenar iclasında müzakirə edilən “Diplomatik xidmət haqqında” layihədə əksini tapıb.

Hərbi xidmətdən qayıdan və 60 gün ərzində müraciət edən şəxslərin əvvəlki vəzifəyə və ya analoji vəzifəyə təyin olunması da layihədə əksini tapıb.

Dəyişikliklərdə diplomatik xidmət stajına daxil ediləcək dövrlərin siyahısı da genişləndirilir. Buraya məcburi işburaxma dövrü, əmək qabiliyyətinin müvəqqəti itirildiyi müddət, ödənişli sosial məzuniyyətlər, beynəlxalq təşkilatlarda fəaliyyət dövrü və dövlət orqanı rəhbərlərinin qulluq illəri daxil edilir.

Qanun layihəsinə əsasən, dəyişikliklərin 2026-cı il yanvarın 1-dən tətbiqi nəzərdə tutulur.

Məsələ səsə qoyularaq üçüncü oxunuşda qəbul edilib.

• Eldar Mahmudovun oğlunun evsiz qoymaq istədiyi ailələr - Ali Məhkəməyə üz tutdu
• MEDİA CNN-dən üzr və təkzib tələb etdi
• “Kristal”ın Nəsimidə inşa etdiyi prestijli layihə - “Royal Residence”
• İsrailin İrana qarşı Azərbaycan ərazisindən istifadə etməsi...
• Ruslan Eyyubov həbsdən azad edildi
• İsa Həbibbəyli ona yüksək vəzifə verdi - Foto
• Korrupsiya ilə bağlı məlumat verənlərin müdafiəsi gücləndirilir
• Sabahın hava proqnozu açıqlandı