Paytaxtda sosial xidmət və tibb müəssisələrinə gələnlər üçün əlavə şəraitin yaradılması istiqamətində işlər davam etdirilir. Daha 6 ünvanda müvafiq nişanlar quraşdırılaraq taksi və fərdi nəqliyyat vasitələrinin sərnişinlərinin rahat minib-düşməsi təmin olunub.

BUTA.TV Milli.az-a istinadla xəbər verir ki, layihənin davamı olaraq, Sabit Orucov küçəsində (Respublika Perinatal Mərkəzinin yaxınlığında), Mehdi Mehdizadə və Fəzail Bayramov küçələrində ("Mediland Hospital"ın yanında) parklanma yerlərinin bir hissəsi ləğv olunaraq "5.14" - "minik taksilərinin duracaq yeri" və 3.28" - "durmaq qadağandır" yol nişanları quraşdırılmaqla minib-düşmə yerləri təşkil edilib.

Sözügedən nişanlar Böyük İpək Yolu küçəsində (Heydər Əliyev prospekti ilə kəsişməyə yaxın), Həsən Salmani küçəsi və Babək prospektində də yerləşdirilməklə Yeni Klinika, "Leyla Medical Centre" və "Baku Medical Plaza"ya gələnlər üçün əlavə şərait yaradılıb.

Xatırladaq ki, daha öncə paytaxtın 7 ünvanında yerləşən tibb müəssisələrinin qarşılarında minib-düşmə yerləri və taksilərin sərnişinləri düşürmələri üçün imkan yaradılıb.

• 16 yaşa qədər uşaqların sosial şəbəkədən istifadəsi - Qadağan olunur
• Bakıxanovda yaşayış binası yanır
• İş yerindən 6 ton metal avadanlıq oğurlayan şəxs saxlanıldı
• Maşından bahalı qızıl boyunbağı oğurladı, saxlanıldı
• Paytaxtın mərkəzində premium yaşayışın simvolu...
• Yağıntılı hava nə vaxtadək davam edəcək?
• Koçaryan Azərbaycana məlumat ötürübmüş - 100 erməni mühasirəyə düşüb
• MİQ-ə hazırlaşanların nəzərinə: Onların nəticəsi ləğv olunacaq