Beş gün əvvəl Bakıda evdən meyitləri tapılan 4 nəfərin dəqiq nədən öldükləri hələlik məlum deyil. Kirayə qalan şəxslərin dəm qazından boğulduqları ehtimal edilir və məsələ ilə bağlı Nərimanov Rayon Prokurorluğunda hələ ki araşdırma davam etdirilir. Azəriqaz İstehsalat Birliyi ölən şəxslərin dəm qazından boğulub-boğulmadıqları barədə sözügedən mənzildə ilkin araşdırma aparıb.

BUTA.TV Bizim.Media-ya istinadən xəbər verir ki, qurumun şöbə rəisi İlkin Behbudov 4 nəfərin ölü tapıldığı mənzilin qaz sayğacının bloklu vəziyyətdə olduğunu bildirib.

“Ona görə onların dəm qazından boğulma ehtimalı aşağı səviyyədədir. Smart tipli sayğacın üzərinə baxış keçirilən zaman sayğacın bloklanmış şəkildə, yəni qurğudan qaz keçmədiyi məlum olub. Həmin hadisədə dəm qazı ehtimalı reallığa oxşamır. Amma bu məsələ aidiyyəti qurumlar tərəfindən araşdırılandan sonra qərar qəbul olunacaq. İlkin olaraq dəm qazından boğulma ehtimalı görünmür.

Dekabrın sonundan sayğacda qaz limiti bitdiyinə görə bloklanıb. Mənzil daxilinə isə baxış keçirməyə müvafiq dövlət qurumları tərəfindən şərait yaradılmayıb. 4 nəfərin boğulması onu göstərir ki, bina evi olduğuna görə mənzilin daxilində hər hansı qaz cihazı da olmayıb. Təbii ki, yenə də araşdırma tələb edən bir məsələdir”, - İ.Behbudov deyib.

Xatırladaq ki, hadisə yanvarın 5-də paytaxtın Nərimanov rayonu, Ağaoğlu küçəsi 7 ünvanında baş verib. Həmin ünvandakı mənzillərdən birinin sahibi evini 3 nəfərə kirayə verib.

Yanvarın 1-dən 5-nə qədər kirayənişinlərə zəng vuran ev sahibi qarşı tərəfdən cavab ala bilmədiyi üçün yanvarın 5-də səhər saatlarında evə gəlib. Lakin evin qapısını bağlı görən mənzil sahibi məsələ ilə bağlı hüquq-mühafizə orqanlarına məlumat verib. Hüquq-mühafizə orqanları əməkdaşlarının müdaxiləsindən sonra mənzilin qapısı açılıb. Mənzilə baxış keçirilərkən oradan 4 nəfərin meyiti aşkarlanıb.

Vəfat edən şəxslərin 1990-cı il təvəllüdlü Kənan Nəzərov, 1991-ci il təvəllüdlü Pərvin Səfərli, 2004-cü il təvəllüdlü Kamran Allahverdiyev və 2006-cı il təvəllüdlü Kənan Salayev olması müəyyən edilib.

• “Embawood”un şöbə rəisi arvadını öldürmüşdü - 1 il həbs verildi
• Putinin köməkçisi Bakıda: Belə razılaşma hər ölkədə yoxdur - Video
• Ramiz Mehdiyevə ŞOK İTTİHAMLAR - Sirlər açıldı!
• “Rusiya qətiyyətli cavab verəcək” - Putindən xəbərdarlıq
• “Ukrayna dairəsi” ilə bağlı rəsmi açıqlama - VİDEO
• AB-nin sərhəddə casusluq fəaliyyəti davam edir - Video
• Bu ölkələr təsdiqlədi: Netanyahunu həbs edəcəklər!
• Soydaşımızı Ermənistanda döydülər - Video