Aprelin 7-də İtaliya A seriyasında 29-cu turun oyunlarına start verilib.
BUTA.TV xəbər verir ki, günün ilk matçında “İnter” səfərdə “Salernitana”nın qonağı olub. Matç 1:1 hesabı ilə sona çatıb. “Neradzurri”nin heyətində Qozens, meydan sahiblərindən isə sabiq “İnter”li Kandreva fərqləniblər.
Bu heç-heçə ilə xallarının sayını 51-ə çatdıran “İnter” dördüncü pillədə qərarlaşıb. “Salernitana” isə 29 xalla 15-cidir.
Günün ikinci matçında lider “Napoli” səfərdə “Leççe”nin qonağı olub. Görüş qonaqların 2:1 hesablı qələbəsi ilə başa çatıb. Oyunda qolları Di Lorentso (“Napoli”), Di Françesko (“Leççe”) və Qallo (“Leççe” öz qapısına) vurublar. Bu qələbə sayəsində xallarının sayını 74-ə çatdıran Maradonanın “həmşəhərliləri” ikinci pillədə qərarlaşan “Latsio”nu 19 xal qabaqlayır.
Ötən günün son matçında isə daha bir Milan təmsilçisi xal itirib. Bu dəfə son çempion “Milan” evdə büdrəyib. “Rossonyerlər” “San Siro” stadionunda “Empoli”nin müqavimətini qıra bilməyiblər – 0:0. Hesabında 52 xal olan “Milan” üçüncü pillədə yer alıb. “Empoli” isə 32 xalla 14-cüdür.
- İran Hörmüz boğazından keçid qaydalarını sərtləşdirir
- "Şimal Axını"nı Ukrayna partlatmayıb - Zelenski
- Belarus vətəndaşları Şimali Koreyaya vizasız gedə biləcək
- Qazaxıstanda seçkilər: "Ekzit-poll" nəticələri açıqlandı
- Prezidentin şərəfinə Daşkənddə atəşfəşanlıq - Video
- Prezident ailəsinin səmimi - Fotosu
- Prezident Zəngəzur dəhlizi barədə danışdı
- Prezident kişilərin qucaqlaşmasına qarşı çıxdı: Bu nədir?!