İran səfirliyinin "persona-non-grata" elan edilən 4 diplomatından biri Qurbanəli Purmərcan Varcovi İranın Bakıdakı mədəniyyət mərkəzinin sədridir.
Buta.tv "Unikal"-a istinadən xəbər verir ki, Purmərcan 2021-ci ildə Azərbaycandan qaçan dini təbliğatçı, İranın ali dini lideri Xameneinin Azərbaycandakı nümayəndəsi Seyid Əli Əkbər Ocaqnejadın yerinə keçmiş və hələ də onun ölkədəki yarım qalan işlərini davam etdirirdi.
Qeyd edək ki, Ocaqnejadın ofisinin yerləşdiyi Hüseyniyyə məscidi İran Mədəniyyət Mərkəzi kimi təqdim edilsə də, orada mədəniyyət təbliği üçün deyil, Azərbaycana qarşı dini-ideoloji və siyasi mübarizə və gizli şəbəkənin yaradılması üçün istifadə olunduğu müəyyən edilib. Sözügedən məscid və ofisin bir-birindən ayrı giriş-çıxışı var idi.
Məlumata görə, Purmərcan da sələfi kimi fəliyyət göstərib. O, İranın Cənubi Afrika və İtaliyadakı mədəniyyət müşaviri, Asiya və Sakit Okean regionunda mədəni əlaqələrin inkişafı üzrə baş direktor və Afrika ilə ərəb dünyası arasında mədəni əlaqələrin inkişafı üzrə baş direktor kimi uğursuz fəaliyyətlərindən sonra Bakıda Ocaqnejadın yerinə göndərilmişdi.
- Bakıda özəl klinikada ölən körpə zirzəmiyə atılıb?
- İş sistemi dəyişir: “Çevik iş rejimi” nə deməkdir?
- Çevik iş vaxtı şamil ediləcək sahələr və şəxslər açıqlandı
- Qapıdan baxan qeydiyyatçı oğlan imiş - Videodakı qadın danışdı
- Yüksək vəzifəli azərbaycanlı gənc Kanadada faciəvi şəkildə öldü
- Əsgər üçün aparılan ərzaq niyə qəbul edilmir? - Rəsmi
- Nikah və boşanmaların sayı azaldı
- Pensiya alanların nəzərinə!