Bu il keçiriləcək Formula-1 Azərbaycan Qran Prisinin biletləri əvvəlki yarışlardan daha sürətlə satılır. Tribunaların bir çoxuna biletlər artıq tamamilə tükənib. Qalan tribunalarda isə çox az yer qalıb.

BUTA.TV xəbər verir ki, bunu Azərtac-a açıqlamasında Bakı Şəhər Halqası (BŞH) Əməliyyat Şirkətinin mətbuat katibi Turab Teymurov deyib.

O qeyd edib ki, “Abşeron” tribunasının B seksiyasına, “Filarmoniya”, “Sahil” və “Bulvar” tribunalarına biletlər tam satılıb. “Muğam” tribunasına isə çox az bilet qalıb.

Turab Teymurov vurğulayıb ki, Formula-1 yarışı artıq yeddinci ildir Azərbaycanda keçirilir. Lakin ilk dəfədir ki, biletlər belə tez satılır. Bakıdakı yarışa ən çox bilet Niderland və Böyük Britaniyadan alınıb.

“Azərbaycan Qran Prisi aprelin 28-30-da keçiriləcək. Paytaxtda əsas turnirlə yanaşı, mövsümün ilk sprint yarışı da təşkil olunacaq. Ümidvarıq ki, Azərbaycan Qran Prisi gələcəkdə də davam edəcək. Bakıdakı yarışın müqavilə müddətinin uzadılması ilə bağlı danışıqlar gedir. Bu barədə yekun məlumatlar olan kimi ictimaiyyətlə paylaşılacaq”, - Turab Teymurov əlavə edib.

• ​Fevralın 24-də ölkədə bu bayram qeyd olunacaq
• Vüqar Qurbanov 300 minlik avtomobil sürürmüş - Nömrəsi də xüsusi seçilib - FOTO
• X sosial şəbəkəsi çökdü
• Sabah ilin ilk Günəş tutulması olacaq
• Samir Nuriyevin sədrliyi ilə iclas keçirildi
• Bu məktəbin tikintisi niyə 4 ildir başa çatmır?
• Mehriban Əliyevaya yüksək vəzifə verildi
• "Şamaxı yolu"nda hərəkət belə olacaq - Video