Nikol Paşinyan Sərhəd Qoşunlarının komandanı Arman Maralçyanı vəzifəsindən uzaqlaşdırıb. Sərhəddə baş verən son döyüşlərdən sonra bu qərarın verilməsi o nəticəni ortaya çıxarır ki:

- Ermənistanın verdiyi itkilərin günahı Maralçyanın üzərinə qoyuldu;

- SQ komandanı təxribat əməliyyatını uğurla həyata keçirə bilmədiyi üçün cəzalandırıldı.

Lakin Nikolun bu qərarı iki kontekstdə xüsusilə diqqət çəkir: erməni baş nazir parlamentdə çıxışı zamanı ordudakı “5-ci kolon”dan danışdı; Zaxarova bəyan etdi ki, Avropa İttifaqı missiyasının gəlişi fonunda Azərbaycan-Ermənistan sərhədində gərginliyin olacağını proqnozlaşdırmışdıq;

Baş verən toqquşmanın nəticələri – erməni tərəfinin verdiyi itkilər, Rusiyanın AB misiyası haqda proqnozunun doğru çıxması və missiyanın sərhəddə gərginliyin aradan qaldırılmasında nəticə əldə etməməsi diqqəti Moskvanın üzərinə yönəldir: ruslar erməni ordusunun daxilində onlara bağlı olan “beşinci kolonu” hərəkətə keçirib, Maralçyan təxribat hücumunu təşkil edib, nəticə etibarilə toqquşma yaşanıb və AB missiyası uğursuz olub, Rusiya haqlı çıxıb.

Nikolun “beşinci kolon”la bağlı dediyi buna işarədir və Zaxarovanın sözləri “daşları yerinə qoyur”. Lakin təxribatın siyasi hədəfləri fonunda erməni baş nazirin hücumda Rusiyaya işarə etməsi bunun İrəvanın yeni gedişi ola biləcəyini də istisna etmir:

- Təxribatla hərbi eskalasiya yaradılır və Rusiyanın Ermənistanın təhlükəsizliyində rol oynamadığı yenidən aktuallaşır;

- Avropa Birliyinə baş verənlərə görə günahkarın Ermənistan hakimiyyəti yox, Rusiyanın “beşinci kolon”u olduğu mesajı verilir;

- AB missiyasının zəruriliyi bir daha nümayiş etdirilir və istisna deyil ki, mülki missiyanın hərbiləşdirilməsi məsələsi də aktuallaşa bilər (Ermənistanın Rusiyanın yerini AB ilə yanaşı, İranla da doldurmaq istədiyi unudulmamalıdır);

- Paşinyan baş verənlərdən orduda təmizləmələr üçün də istifadə edə bilər.

Proseslər göstərir ki, Azərbaycan-Ermənistan sərhədində çoxtərəfli oyun gedir.

• Bu ərazilərdə işıq olmayacaq
• Bakıda dəhşətli qətl: Sələmçi 23 bıçaq zərbəsi ilə öldürüldü
• Azərbaycanda bu təşkilatda rəhbərliyin 95%-i vəfat edib
• FHN qar uçqunu təhlükəsi ilə əlaqədar əhaliyə müraciət etdi
• Azərbaycan daha bir ölkədən quzu əti idxalına başladı
• Yas mərasimlərindəki dəbdəbəyə qarşı... - Rəsmi
• ​Fevralın 24-də ölkədə bu bayram qeyd olunacaq
• Vüqar Qurbanov 300 minlik avtomobil sürürmüş - Nömrəsi də xüsusi seçilib - FOTO