Xəbər veridiyimiz kimi, bu gün Səfərbərlik və Hərbi Xidmətə çağırış üzrə Dövlət Xidmətinin rəisi Arzu Rəhimov vəzifədən azad edilib və onun yerinə Mürsəl İbrahimov təyin edilib.
BUTA.TV xəbər verir ki, Arzu Yusif oğlu Rəhimov 1964-cü il oktyabrın 1-də Naxçıvan şəhərində anadan olub. 1986-cı ildə Novosibirsk Ali Hərbi Siyasi Ümumqoşun məktəbini bitirib.
1986-1989-cu illərdə keçmiş SSRİ Silahlı Qüvvələrində xidmət edib.
1992-2004-cü illərdə Azərbaycan Respublikasının Sərhəd Qoşunlarında baş zabit vəzifəsindən hərbi hissə komandiri vəzifəsinədək yüksəlib.
2004-cü ildən 2006-cı ilədək Sərhəd Qoşunları Baş Qərargahı rəisinin 1-ci müavini vəzifəsində çalışıb.
2006-cı ildə Dövlət Sərhəd Xidməti rəisinin 1-ci müavini - Sərhəd Qoşunları Baş Qərargahı rəisi vəzifəsinə təyin edilib. 2004-cü ildə “general-mayor” ali hərbi rütbəsi alıb.
2007-2012-ci illərdə Azərbaycan Respublikası Dövlət Miqrasiya Xidmətinin rəisi olub.
2010-cu ilin 17 mart tarixində “II dərəcəli dövlət miqrasiya xidməti müşaviri” ali xüsusi rütbəsi verilib.
13 fevral 2012-ci il tarixdən bugünə qədər Səfərbərlik və Hərbi Xidmətə Çağırış üzrə Dövlət Xidmətinin rəisi uişləyib.
2012-ci ildə “general-leytenant”, 2021-ci ildə “general-polkovnik” hərbi rütbəsi alıb.
Hazırda 58 yaşı olan general-polkovnik Arzu Rəhimov vəzifədən azad edildikdən sonra yeni təyinat almayıb. Onun vaxtından əvvəl ehtiyata buraxılıb-buraxılmayacağı bəlli deyil.
- Əliyevdən Zelenskiyə: Bu cür hücumlar qəbuledilməzdir!
- Azərbaycan Rusiyaya nota verib
- İran və Azərbaycan arasında aviareyslərin sayı artırılacaq
- Bakı və İrəvan doğru siyasət yürüdür - Papuaşvili
- Rusiya vurdu, səfirliyimizə ciddi ziyan dəydi - Video
- Bakı məlumat verdi, türk polisi əməliyyat keçirdi - Video
- Mehdiyevlə bağlı gündəmi silkələyəcək ssenari: Yaxın günlərdə…
- Gizlətmirəm, İlham Əliyevlə bunu müzakirə etdik - Paşinyan