İran İslam Respublikasının Prezidenti Seyid İbrahim Rəisi Azərbaycan Respublikasının Prezidenti İlham Əliyevə təbrik məktubu ünvanlayıb.

BUTA.TV-ın məlumatına görə, mətndə deyilir:

"Möhtərəm Prezident!

Azərbaycan Respublikasının Müstəqillik Günü münasibətilə Zati-alinizi və xalqınızı səmimi-qəlbdən təbrik edirəm.

İran İslam Respublikasının qonşuluq siyasətində Azərbaycan Respublikasının özünəməxsus yeri vardır. Ölkələrimizin müsəlman xalqlarının birgə tarixi və onların arasında mövcud olan qırılmaz dini və mədəni bağlar iki ölkənin münasibətlərinin inkişafı üçün çox dəyərli bir sərmayə hesab olunur. Bu çərçivədə İran İslam Respublikası hər zaman Azərbaycan Respublikasının suverenliyini və ərazi bütövlüyünü tam şəkildə dəstəkləmişdir.

Ölkələrimizin çox geniş potensiallarının mövcud olduğunu nəzərə alaraq, ümid edirəm ki, xalqlarımızın qarşılıqlı mənafeyinə uyğun şəkildə ikitərəfli əməkdaşlığımızın və münasibətlərimizin daha da genişlənməsinə şahid olacağıq.

Allah Taaladan Zati-alinizə möhkəm cansağlığı və müvəffəqiyyətlər, Azərbaycan xalqına isə başucalığı və xoş günlər arzulayıram".

• Dünyanın yükünü çiyinlərindən atıb cücələrinə ad axtarır... - Fotolar - Video
• İranla bütün fəaliyyətləri dayandırdılar
• Bakıda kirayə mənzillərin qiyməti 15 faiz bahalaşacaq
• Sabah bu rayonlarda işıq olmayacaq
• “Azərbaycan Prezidentinə etdiyi bir zəng vəziyyəti tamam dəyişdi”
• Mustafa Abbasbəyli vəzifəsindən azad olundu
• Azərbaycanın dünən beynəlxalq axtarışa verdiyi Aleksey Çadayev istefa verdi
• Yeni rütbələri təqdim edildi - Fotolar