Vaşinqton Ermənistanda antirusiya əhval-ruhiyyəsinin süni şəkildə artmasına səbəb olan eyhamlardan çəkinməlidir.

BUTA.TV xəbər verir ki, bunu Rusiyanın ABŞ-dakı səfiri Anatoli Antonov deyib.

“ABŞ rəsmilərinin bu cür eyhamları yersizdir. Amerikalılar əslində daxili və xarici siyasətdə öz uğursuzluqlarına görə məsuliyyətdən boyun qaçırmağa çalışan bəzi erməni siyasətçilərin qeyri-konstruktiv ictimai bəyanatlarını təkrarlayırlar.

Rusiya Ermənistanın etibarlı müttəfiqi olub və qalır. Biz həmişə bu qardaş xalqa lazımi köməklik göstərmişik, o cümlədən Qarabağa sülhməramlılarımızı göndərmişik. Rus əsgərlərin öz postlarında həlak olması faktı yalnız Rusiyanın Azərbaycan və Ermənistan xalqları arasında sülhə nail olmaq üçün çətin qərarlar qəbul etməyə hazır olduğunu göstərir.

Biz Vaşinqtonu Ermənistanda antirusiya əhval-ruhiyyəsinin süni şəkildə artmasına səbəb olan son dərəcə təhlükəli hərəkətlərdən çəkinməyə çağırırıq. Bu cür ittihamlar yalnız onu göstərir ki, ABŞ və müttəfiqlərinin məqsədi vəziyyəti normallaşdırmaq və Cənubi Qafqazın dinc inkişafını təmin etmək deyil, bizi regiondan sıxışdırıb çıxarmaq üçün Rusiyaya strateji ziyan vurmaq və Avrasiyada qəsdən sabitliyi pozmaqdır”, - səfir bildirib.

• Qaradağ kanalında batan şəxsin meyiti tapıldı
• Anası stadion təmizləyir, o isə məşq edirdi... - İndi dünya çempionudur
• Süni intellektin inkişafı ilə bağlı məsul dövlət qurumları...
• Mərkəzi Gömrük Hospitalına yeni hüquq verildi
• “Vətənə xəyanət edənlərə yazığım gəlir” - Hikmət Hacıyevdən Tural Sadıqlıya
• Dondurmanın üzərinə qarışqa səpilir: nuş olsun – Video
• Məktəbəhazırlıq qrupları üzrə məktəb seçiminə başlanıldı
• Bakıda “Ambucycle” motosikletlər - Feldşerlər idarə edəcək-Fotolar