ABŞ Dövlət katibi Entoni Blinken və nümayəndə heyəti Ankaraya bu gün gecə saatlarında hərbi-nəqliyyat təyyarəsi ilə gəlib.
BUTA.TV xəbər verir ki, bu barədə “Anadolu” agentliyi məlumat yayıb. Məlumata görə, Blinkeni Ankaranın Esenboğa hava limanında ABŞ-ın Türkiyədəki səfiri Cefri Flek, Türkiyə Xarici İşlər Nazirliyinin ABŞ məsələləri üzrə ikili siyasi işlər müdiri Yaprak Balkan, Ankara valisinin müavini Namiq Kamal Nazlı qarşılayıb.
Blinkenin bu gün Türkiyə xarici işlər naziri Hakan Fidanla görüşəcəyi, Qəzzadakı vəziyyət, regional məsələlər və ikili münasibətləri müzakirə edəcəkləri bildirilib.
Qeyd edək ki, ABŞ Dövlət katibi Entoni Blinkenin 2-10 noyabr tarixlərində İsrail, İordaniya, Yaponiya, Cənubi Koreya və Hindistana səfər edəcəyi bildirilmişdi. Buna baxmayaraq, Blinkenin Mahmud Abbas və Hakan Fidanla da görüşəcəyi haqda media xəbər tirajlamışdı.
Medianın məlumatına görə, Hakan Fidan Blinkenə İsrail-HƏMAS müharibəsini sülh yolu ilə nizamlamaq üçün 4 maddəlik təklif təqdim edəcək.
- Prokurorluğa qəbulla bağlı imtahan nəticələri açıqlandı
- Delimitasiya ilə bağlı mühüm razılaşma...
- Ölkədə bu qurum bağlanır? - Rəsmi cavab
- Ramiz Mehdiyev bu vəzifədən də çıxarıldı - Sərəncam
- Dənizdə külək enerjisi layihəsinə dair müqavilə imzalandı
- İlham Əliyev Szinpinə başsağlığı verdi
- Paşinyan qorxur: Bakı ilə sülhə qədər KTMT-dən çıxsa...
- Erməni qızı: Biz əslində türkük, dilimiz də... - Video