Quba-Xaçmaz Regional Təhsil İdarəsinin sabiq müdiri Rüfət Hacıyev həbs olunub.

BUTA.TV xəbər verir ki, Baş Prokuror yanında Korrupsiya Qarşı Mübarizə Baş İdarəsinin əməkdaşları tərəfindən saxlanılan sabiq müdir barəsində 4 ay müddətinə həbs qətimkan tədbiri seçilib.

Bu barədə Binəqədi Rayon Məhkəməsi qərar qəbul edib. O, rüşvət almaqda ittiham edilir.

Qeyd edək ki, ötən ilin noyabrında Rüfət Hacıyevin Xaçmaz şəhər 4 saylı tam orta məktəbdə 9-cu sinif şagirdini döyməsi barədə məlumat yayılmışdı. Bildirilirdi ki, təhsil ocağına yoxlamaya gələn R.Hacıyev həmin məktəbin şagirdi, 2007-ci il təvəllüdlü oğlanı döyüb. Məktəblinin valideynləri bu iddia ilə Xaçmaz rayon Polis Şöbəsinə müraciət ediblər.

Bundan başqa, bir neçə ay əvvəl də R.Hacıyev barəsində Cinayət Məcəlləsinin 308,1-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi açılmışdı.

• Dəhlizdə Azərbaycan vətəndaşı yoxlanacaq? - Paşinyan
• Polşaya hücum: Putin qurbağanı qaynatmağa başladı
• 16 yaşlı qız cinsi zorladılar, 4 nəfər həbs olundu
• Sabiqlərlə bağlı SENSASİYA: Azərbaycanı təhlükə gözləyir - Siyahıdakı adlar...
• Onlar son zamanlar 100 milyonluq əmlak satıblar... – İDDİA
• Rus dronları Polşaya qəsdən girib – Putinin məqsədi nədir?
• Manaf Ağayevin oğluna vəzifə verildi
• Onlar da polisin vəzifələrini icra edəcək