Ermənistan milli futbol komandasının keçmiş qapıçısı Armen Fişyan Rusiya yol polisi əməkdaşını və onun yolda dayandırdığı sürücünü avtomobillə vuraraq öldürüb.

BUTA.TV xəbər verir ki, bu barədə Rusiya KİV-i məlumat yayıb.

Məlumata görə, qəza martın 23-də Rusiyanın Stavropol diyarında baş verib.

Armen Fişyan öz yolsuzluq avtomobili ilə Mineralnıye Vodıya yol alıb. “Qafqaz” avtomobil yolunun 284-cü kilometrliyinə çatanda o, polis leytenantını və onun cərimə yazmaq üçün saxladığı sürücünü vurub. Nəticədə onların hər ikisi həlak olub. Qəzadan dərhal sonra Fişyan hadisə yerini tərk edib. Onun ələ keçirilməsi ilə bağlı plan hazırlanıb və A.Fişyan tutulub.

Yerli medianın yazdığına görə, saxlanılan zaman A.Fişyan heç kəsi vurmadığını iddia etsə də, avtomobildəki qanın haradan peyda olduğunu izah edə bilməyib. Ona qarşı cinayət işi açılıb, indi keçmiş qapıçını 15 ilə qədər həbs cəzası gözləyir.

Armen Fişyan Ermənistanın gənclərdən ibarət futbol yığmalarının keçmiş qapıçısıdır. O, peşəkar karyerasını 2016-cı ildə başa vurub. Bundan sonra A.Fişyan mini-futbol klublarında çıxış edib.

• Tibb müəssisələrində əlavə ödəniş tələbi ilə bağlı tapşırıq
• Ermənistan sülhlə bağlı səmimi görünmür
• AB iki Azərbaycan vətəndaşına sanksiya tətbiq etdi
• Vətən müharibəsi zamanı Türkiyəni bunda ittiham edirdilər
• Vaxt bitdi: Gültəkin Hacıbəyli deport edilmir?
• Azərbaycanla sərhəddə döyüş hazırlığı - Papikyan elan etdi
• Putinlə Ərdoğanın danışığı hamını şoka saldı
• Bakının bu tələbini yerinə yetirəcəyik - Poqosyan