Kreml mayın birinci ongünlüyünün sonuna olan tədbirlər proqramını elə hazırlayıb ki, mümkün qədər çox dövlət və hökumət başçısı Moskvada Vladimir Putinlə görüşəcək. Putinin bəzi həmkarları onu mayın 7-də, andiçmə günü, şəxsən təbrik etmək üçün gələcək, bəziləri isə mayın 8-də Aİİ-nin yubiley sammitinə qalacaqlar. İnanıram ki, 9 May Gələbə Gününün şərəfinə təşkil olunacaq tədbirə daha çox qonaq gələcək.
Bu sözləri BUTA.TV-a açıqlamasında rusiyalı politoloq Vitali Arkov deyib.
“Hətta Türkiyə Prezidenti Ərdoğanın mayın 9-da Moskvaya səfər edəcəyi, Putinlə şəxsi görüş keçirəcəyi və Ankaranın Ukrayna münaqişəsinə dair sülh təşəbbüsünün detallarının müzakirə ediləcəyi barədə məlumatlar da var. Ərdoğanın məhz buna görə Baydenlə Vaşinqtonda danışıqları təxirə saldığı deyilir. Paşinyanın yalnız mayın 8-də Moskvaya səfərinə gəlincə, təbii ki, istəsəniz, burada İrəvanın demarşını görə bilərsiniz. Ancaq səbəb tamamilə banal ola bilər - praktiklik: hər halda Paşinyan Aİİ-nin yubiley sammitində iştirak edirsə, protokolda onun Putinlə şəxsi görüşü nəzərdə tutulursa, onda Rusiya prezidentinin andiçmə mərasimində iştirak etməklə Fransa prezidentinin zərif və həssas ruhunu niyə incitsin? Paşinyanın və İrəvandakı mövcud rejimin digər yüksək rütbəli nümayəndələrinin Rusiyaya qarşı atdığı addımlar nə qədər açıq-aşkar qeyri-dost olsa da, bu heç bir halda rus və erməni xalqları arasında münasibətlərə təsir göstərməyəcək. Münasibətlər qardaşlıq üzərində olub və belə də qalacaq”, - o bildirib.
- Ermənistan Qarabağ danışıqlarına dair sənədləri yayımladı
- Tiflis TIR-larımızı buraxmadı: Kobaxidzedən reaksiya
- Rüstəm İbrahimbəyov Mehdiyevlə bağlı nələr demişdi?
- Gəncə "Nizami İnnovasiya Mərkəzi” niyə açılmır? - İRİA icraçını ağır vəziyyətdə qoyub
- Gürcüstan Azərbaycana problem yaradır - Saakaşvili
- Milli Şura ilə bağlı Qərbdə bu fikir var - Ekspertdən şok
- Mehdiyev oğlunu Patruşevlə tez-tez görüşdürürmüş - Şok foto
- Qaydalar təsdiqləndi: daha tez pensiya və yüksək məbləğ seçimi...