Vaşinqtonda səfərdə olan Türkiyə Böyük Millət Məclisinin (TBMM) xarici əlaqələr komitəsinin sədri Fuad Oqtay ABŞ Konqresinin üzvləri ilə Azərbaycanla Ermənistan arasında münasibətlərin normallaşmasını müzakirə edib.
BUTA.TV Report-a istinadən xəbər verir ki, bu barədə parlamentari jurnalistlərə açıqlamasında deyib.
O bildirib ki, tərəflər ikitərəfli məsələlər barədə də danışıblar: “ABŞ ilə ortaq maraqlarımızla yanaşı, fikir ayrılıqlarımız da var”.
Onun sözlərinə görə, tərəflər, həmçinin terrorla mübarizə barədə danışıblar: “ABŞ YPG/PKK terror təşkilatına dəstəyi dayandırarsa, ikitərəfli münasibətlərdə yeni səhifə açıla bilər. Həmçinin Qəzzadakı durumla bağlı da fikir ayrılıqlarımız var. Qəzzadakı vəziyyət müzakirələrimizin əsas mövzularından idi. Yaxın Şərqdəki müharibəni dayandıra biləcək güclərdən biri ABŞ-dir. Bu səbəbdən də İsrail üzərindəki təzyiqi artırmalıdır”.
Şərqi Avropadakı müharibə barədə danışan F.Oqtay qeyd edib ki, Türkiyə Ukraynanın ərazi bütövlüyünü və suverenliyini dəstəkləyir:
“Biz həm Rusiya, həm də ABŞ ilə müzakirələr aparırıq. Rusiya ilə Ukraynanı yenidən danışıqlar masası arxasına gətirmək üçün çalışırıq. Həmçinin təktərəfli sanksiyaları düzgün saymırıq”.
- Xameneinin öldüyü hücum zamanı Əraqçi də orada imiş - İlk dəfə həmin gecədən danışdı
- Argentina futbolunda 300 milyonluq qalmaqal - FTB hərəkətə keçdi
- Bakının bu ərazilərində işıq olmayacaq
- Tarif Şurasından yeni qərar: Sabahdan qüvvəyə minir
- Meyiti zirzəmiyə atıldığı iddia edilən körpənin atası - Yazışmaları göstərdi+Video
- “Bakıya qarşı xüsusi prinsipiallığım yoxdur” - Dubl edən erməni futbolçu
- Bu televiziyanın müvəqqəti rəhbəri dəyişdi
- Ümidlə başlayıb kədərlə bitən gecə... - Fotolar