Dəfələrlə məhkumluq həyatı yaşamış, narkotik istifadəçisi kimi müsahibə vermiş şəxs Bakıda marşrut avtobusu sürür.
“Qafqazinfo” xəbər verir ki, “Batya Vasmoyski” ləqəbi ilə tanınan Bəxtiyar Ağaməmmədovun paytaxt ərazisində 40 saylı müntəzəm marşrut xətti üzrə sürücü kimi çalışması məlum olub. “Çinar Trans” MMC-nin istismarında olan xətdə çalışan B.Ağaməmmədovun avtobusla təhlükəli manevrlər etməsi, sərnişinlərlə kobud rəftar etməsi, qeyri-adekvat hərəkətləri diqqəti cəlb edib.
“Batya Vasmoyski” kimi tanınan şəxsin keçmişi ilə bağlı video çəkərək yutub kanalında yayımlayan tanınmış bloqer Nail Kəmərli “Qafqazinfo”ya açıqlamasında onun narkoman olmaqla yanaşı, təhlükəli yoluxucu xəstəlik daşıyıcısı olduğunu bildirib: “Biz həmin vaxt Bəxtiyar Alməmmədovu narkoloji dispanserə yerləşdirdik, müalicəsinə başlanıldı. Bir müddət orada qaldıqdan sonra onun həm də vərəm xəstəsi olması müəyyən edildi və yoluxucu xəstəlik olduğundan izolyasiya məqsədilə vərəm dispanserinə göndərildi. Belə anlaşılır ki, orada da müalicəsini yarımçıq saxlayıb. Biz barəsində film hazırladığımız şəxslərin sonrakı taleyi və davranışlarını sonradan izləyə bilmirik”.
Mövzu ilə bağlı Azərbaycan Yerüstü Nəqliyyat Agentliyinə sorğu ünvanladıq. Sorğumuza cavab olaraq bildirildi ki, 40 saylı marşrut xətti “Çinar Trans” MMC-nin istismarındadır və onlar sürücüyə görə cavabdehdir.
Şirkətdən isə gün ərzində mövzu ilə bağlı açıqlama veriləcəyi bildirildi.
- "Nalayiq ifadələr işlədib, xəritələri masadan atıb və onu hədələyib" - Tramp Zelenski ilə görüşdə "dəli" olub
- Rəsul Quliyev: “Azərbaycana qayıtmaq niyyətim ...” - MÜSAHİBƏ
- Ramiz Mehdiyevin kürəkəni əsəbiləşdi: “Boş söhbətlər etməyin”
- Hikmət Hacıyev Astanadan yeni video paylaşdı
- Zəngəzurun qırmızı lentini şəxsən o kəsəcək - Qevondyan
- Bu şəxslər hərbi xidmətə çağırılmırlar - Səbəb
- Yalçın Rəfiyev AB-nin yüksək səviyyəli toplantısında
- Ramiz Mehdiyev Rusiyada bu qurumun üzvüymüş - Fakt