Yevlaxda güclü külək bir sıra fəsadlar törədib.

BUTA.TV-ın Report-a istinadən məlumatına görə, güclü külək nəticəsində bir sıra yaşayış məntəqələrində ağaclar sakinlərə məxsus fərdi yaşayış evlərinin, elektrik xətlərinin üzərinə aşaraq dam örtüklərini, elektrik xətlərini qırıb.

Həmçinin külək rayonun Aran qəsəbə 1 saylı tam orta məktəbin binasının dam örtüyünü uçurub.

Rayon ərazisində 25-30 m/saniyə surətində qərb küləyinin əsməsi, güclü yağış yağması nəticəsində elektrik təsərrüfatına ciddi ziyan dəyməsinin qarşısının alınması məqsədilə “Yevlax Elektrik Şəbəkəsi” tərəfindən bütün yaşayış məntəqələrində abonentlərin elektrik enerjisi ilə təchizatı dayandırılıb.

Hazırda Yevlax Şəhər İcra Hakimiyyəti və Rayon Fövqəladə Hallar Komissiyası tərəfindən dəyən ziyanın miqyasının müəyyən edilməsi üçün müvafiq işlər aparılır.

Rayonun Fövqəladə Hallar Komissiyası sakinlərə küləkli havada mümkün qədər evdən bayıra çıxmamağı tövsiyə edib.

• BƏƏ prezidentinin Qarabağ səfəri bunu təsdiq etdi – Bayramov
• Dumanın deputatı: Azərbaycandan nümunə götürün!
• Pakistan səfirindən Zəngəzur açıqlaması: Bir neçə seçim...
• BƏƏ prezidentinin Şuşada rəsmi qarşılanma mərasimi...
• Hava limanında taksi 4 dəfə bahalaşdı – AYNA isə hamını ələ salır
• Lavrov təsdiqlədi: Azərbaycan bu müsabiqəyə qatılmayacaq
• Prezidentin Şuşada verdiyi tarixi mesajlar - 15 sentyabr detalı…
• Putini bir müsahibə ilə darmadağın etdi...