Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi tərəfindən verilən “Nəqliyyat vasitəsinin təhlükəli yüklərin daşınmasına buraxılması haqqında şəhadətnamə” beynəlxalq daşımalar üçün də keçərli oldu.
BUTA.TV xəbər verir ki, bu barədə Fövqəladə Hallar Nazirliyi (FHN) məlumat yayıb.
Belə ki, “Nəqliyyat vasitələrinin təhlükəli yüklərin daşınmasına buraxılması haqqında şəhadətnamə”nin formasının beynəlxalq tələblərə uyğunlaşdırılması məqsədilə müvafiq dəyişiklik əsasında Agentlik tərəfindən şəhadətnamələrin beynəlxalq tələblərə uyğun yeni formada verilməsinə başlanılıb.
Qeyd edək ki, əvvəllər verilən şəhadətnamələr “Təhlükəli yüklərin quru yollar ilə beynəlxalq daşımaları haqqında” Avropa Sazişinin tələblərinə uyğun olmadığından, fiziki və hüquqi şəxslər tərəfindən təhlükəli yüklərin beynəlxalq daşınmasında çətinliklər yaranırdı. Belə ki, təhlükəli yüklərin daşındığı nəqliyyat vasitələri xarici dövlətlərlə sərhəddə saxlanılır və beynəlxalq daşımaya uyğun şəhadətnamə tələb edilirdi. Nəticədə ixrac və ya idxal olunan təhlükəli yüklərin avtonəqliyyat vasitələri ilə beynəlxalq daşınması Azərbaycan Respublikasının daşıyıcıları tərəfindən deyil, Sazişə qoşulmuş digər ölkələrin şirkətləri tərəfindən həyata keçirilirdi.
Beləliklə, şəhadətnamənin yeni forması yuxarıda qeyd olunan problemi həll etməklə yanaşı, milli qanunvericiliklə beynəlxalq saziş arasındakı uyğunsuzluğu aradan qaldırır, eyni zamanda yerli daşıyıcıların potensial müştərilər qarşısında nüfuzunu artırır və yeni iş imkanları yaradır.
- Təyyarəni ruslar vurub, sonra Xəzərdə batmağa “göndərib”?
- Pilotun bunu etməsi möcüzədir! – Şepard
- Təyyarə qəzasında həlak olan Ramin də stüard işləyirmiş - Foto
- ABŞ Dövlət Departamenti Azərbaycana başsağlığı verdi
- Azərbaycan və Qazaxıstan baş nazirləri danışdı
- Son məlumata görə, 16 vətəndaşımız sağdır - Baş konsul
- Sərnişin Hökümədən danışdı: Onları arxaya keçirib, özü önə getdi
- Dekabrın son günlərində dəhşətli qəza olacağını demişdi...