Zəngəzur dəhlizinə görə, Rusiya-İran gərginliyi dərinləşir. Hazırda bütün tranzit xətləri İran ərazisindən keçir. Tehran bölgədə nüfuzunu və imkanlarını daha da genişləndirməyi düşünür. Ticarət, siyasi və mədəni təsir baxımından isə İran Qafqazda autsayderdir.

BUTA.TV xəbər verir ki, bunu Teleqraf.com-a VI çağırış Milli Məclisin deputatı, siyasi şərhçi Rasim Musabəyov deyib.

O qeyd edib ki, Türkiyənin Azərbaycan kimi müttəfiqi var:

“Eyni zamanda o, iqtisadi cəhətdən bölgədə güclü dayaqlara malikdir. Rusiya da regionda sağlam dayaqlar qurub. Ermənistan demək olar Kremlin nəzarətindəndir. Ona görə də, İranın mövqeləri çox zəifdir”.

Siyasi şərhçi hesab edir ki, İran eyni zamanda Azərbaycan ərazisindən keçməklə Rusiya və Qərbə daxil olur:

“Bu baxımdan İran bölgə dövlətlərini nəqliyyat məsələsində asılı saxlamaq niyyətindədir. Zəngəzur dəhlizinə də rəsmi Tehran bu kontekstdən yanaşır. Çünki bu dəhliz İran ərazisindən keçən yollar üçün alternativ marşurutdur”.

Rasim Musabəyovun sözlərinə görə, İran Ermənistan ərazisində dəhlizin açılmasına mümkün qədər maneə olmağa çalışır:

“Bütün xətlərin öz ərazisindən keçməsini istəyir. Şimal-Cənub dəhlizi və Naxçıvanla kommunikasiyaların da İran ərazisinə keçməsinə razıdır. Digər bir məsələ İranın İsrail məsələsində Rusiyadan narazı qalmasıdır. Tehran İsrailə zərbə vurmaq istəyirdi. ABŞ xəbərdarlıq etdi ki, buna cavabı şiddətli olacaq. Bu halda İran ancaq Rusiyanın dəstəyi ilə İsrailə zərbə vura bilərdi. Moskva isə bu dəstəyi vermədi”.

• BMT baş katibi İsrailin hücumunu pislədi
• "Şöhrət" ordeni mənim üçün gözlənilməz oldu - Vəliyeva
• Hamilə qadın naməlum səbəbdən öldü
• Rus ordusu Kurskda genişmiqaslı əks-hücuma keçdi
• Millimiz Serbiyaya məğlub oldu
• İsraildən Hizbullaha növbəti böyük zərbə...
• Qəzza ilə bağlı danışıqlarda iştirak etmirik - Kirbi
• Bakıda evə basqın edən şəxsin görüntüləri yayıldı - Video