Gürcüstanın eks-prezidenti Mixail Saakaşvili hesab edir ki, Ukraynada münaqişənin başa çatmasından sonra Rusiya Gürcüstan və Ermənistana qarşı hərbi təcavüz planını işə sala bilər.

BUTA.TV Teleqraf-a istinadla xəbər verir ki, o, bu fikri Tiflis Şəhər Məhkəməsində işi üzrə keçirilən iclasda distant qaydada çıxışı zamanı səsləndirib.

Onun sözlərinə görə, Ukraynada münaqişəyə son qoyulması ilə Rusiya hərbi maşınını dayandırmayacaq.

“Rusiyaya hər hansı hərbi kampaniya aparmaq lazım gələcək, belə ki, bunsuz Rusiya dövləti dağılacaq. Rusiya Ukraynada müharibə başa çatandan sonra hara müdaxilə edəcək? Yəqin ki, Baltikyanı ölkələr olmayacaq, çünki onlar NATO-nun çətiri altındadırlar və prezident Tramp buna yol verməz. Azərbaycanın güclü ordusu və Türkiyənin dəstəyi var. Qazaxıstan da istisnadır, belə ki, bu ölkədə Çin faktoru önəmlidir və Pekin buna yol verməz”, - M.Saakaşvili söyləyib.

Sabiq dövlət başçısı qeyd edib ki, yalnız iki ölkə - Gürcüstan və Ermənistan qalır.

“Ermənistan Azərbaycan və Türkiyə ilə geosiyasi münasibətlərini nizama sala bilmir və çox zəifdir. Ölkəyə özünün siyasi oriyentasiyasını dəqiqləşdirməsi üçün uzun zaman tələb olundu və zaman boşuna xərcləndi. Gürcüstan dəstəksiz qalıb, ordusu məhv edilib. Beləliklə, Ukraynada müharibə başa çatan kimi Gürcüstan və onun vasitəsilə Ermənistanın tam hərbi işğalı ilə bağlı çox böyük təhlükə yaranacaq”, - o deyib.

• Paşinyan Azərbaycanla sərhədə gəldi, bu divara toxundu - Foto
• Ərdoğanın müavini Azərbayacana gəlir
• Bir-iki il əvvəl Bakı ilə narrativlərimiz ziddiyyətli idi... - Qriqoryan
• Eyyubov Moskvada mühüm iclasda: Diqqət çəkən məqam...
• Rusiya Zəngəzur dəhlizinə etiraz etdi
• Hikmət Hacıyev Dohada Qətərin dövlət naziri ilə görüşdü
• 30 ildir sədrdir, məhkəməsinə 30 adam gəlmədi...
• Dubay şeyxinin keçmiş həyat yoldaşı olan tanınmış gimnastın durumu - Bu detal müdaxiləyə imkan vermir