Azərbaycan Dillər Universiteti ilk dəfə dünyanın nüfuzlu universitet reytinqlərindən biri olan Round University Ranking (RUR) beynəlxalq reytinqində iştirak edərək, uğurlu nəticə əldə edib.
BUTA.TV xəbər verir ki, bu barədə ADU məlumat yayıb.
“ADU RUR-2026 reytinqində dünya üzrə 964-cü, ölkə üzrə isə 5-ci yeri tutub.
RUR (Round University Ranking) universitetlərin fəaliyyətini qiymətləndirən beynəlxalq reytinq sistemidir. Bu reytinq universitetləri tədris, tədqiqat, beynəlxalq müxtəliflik və maliyyə dayanıqlılığı göstəriciləri əsasında qiymətləndirir.
ADU tədris sahəsi üzrə ölkə üzrə 2-ci, tədqiqat sahəsi üzrə 11-ci, beynəlxalq müxtəliflik üzrə 5-ci, maliyyə dayanıqlığı sahəsi üzrə 7-ci yerdə qərarlaşıb.
Əldə olunan nəticə Azərbaycan Dillər Universitetinin qlobal akademik məkanda mövqeyinin möhkəmləndirilməsi, beynəlxalq əməkdaşlıq əlaqələrinin genişləndirilməsi və keyfiyyətli təhsil mühitinin inkişafı istiqamətində həyata keçirilən ardıcıl fəaliyyətin mühüm göstəricisidir.
ADU gələcək illərdə də beynəlxalq reytinqlərdə iştirakını genişləndirməyi və göstəricilərini daha da yaxşılaşdırmağı hədəfləyir”, - məlumatda qeyd edilib.
- Rusiya ilə diplomatik münasibətlər bərpa edilə bilməz
- Yerli xammaldan günəbaxan yağı istehsalı 4000 tona çatdırılır
- Lənkəranda meşədən kişi və qadın meyitləri tapıldı
- Azərbaycanda bu institut bağlanır?
- Bakıda 1 ildir yoxa çıxan qadın qətlə yetirilibmiş - Oğlu tutuldu
- Təcili yardıma 27 dəfə zəng etdi, açan olmadı - VİDEO
- Nazir İsaxan Aşurovun oğluna yeni vəzifə verdi - Foto
- Bakıda usta evdən 10 min manatlıq qızıl oğurladı