Xalq rəssamı Arif Hüseynov Azərbaycan Rəssamlar İttifaqının Rəyasət Heyətinə üzvlüyünə və “Kitab Qrafikası və Miniatür” bölməsinə sədrliyinə xitam verilməsi ilə bağlı İttifaqın Rəyasət Heyətinə açıq məktubla müraciət edib.

BUTA.TV müraciətin mətnini təqdim edir:

"Azərbaycan Rəssamlar İttifaqının Rəyasət Heyətinə

Hörmətli həmyaşıdlar!

Sizə bildirmək istəyirəm ki, Azərbaycan Rəssamlar İttifaqının ali maraqlarını hər zaman nəzərə alaraq yüksək tutmuşam. 1985-ci ildən etibarən Azərbaycan Rəssamlar İttifaqının Rəyasət Heyətinin üzvü, həmçinin “Kitab Qrafikası və Miniatür” bölməsinin sədri kimi fəaliyyət göstərirəm.

Bu illər ərzində Azərbaycan təsviri sənətinin inkişafı, milli rəssamlıq ənənələrinin qorunması və yeni nəsil sənətkarların yetişməsi naminə bütün bilik və təcrübəmi səfərbər etməyə çalışmışam. Mənə göstərilən etimadı hər zaman böyük məsuliyyət hesab etmişəm.

Hazırda ömrümün 83-cü ilini yaşayıram. Yaşımı, sağlamlıq vəziyyətimi və qarşıda həyata keçirmək istədiyim yaradıcılıq planlarını nəzərə alaraq, Azərbaycan Rəssamlar İttifaqının Rəyasət Heyətinin üzvlüyündən, eləcə də Kitab Qrafikası və Miniatür Bölməsinin sədri vəzifəsinə xitam vermək qərarına gəlmişəm.

Azərbaycan Rəssamlar İttfaqının Rəyasət Heyyətinin hər bur üzvünə Azərbaycan təsviri sənətinin inkişafı naminə nümayiş etdirdiyi prinsipial və səmərəli fəaliyyətə görə təşəkkürümü bildirir, gələcək fəaliyyətinizdə müvəffəqiyyətlər arzulayıram".

• Abşeronda şəhidlərimiz və onların ailə üzvləri ziyarət olunub
• "Azercell"in bu sahədəki potensialı beynəlxalq səviyyədə tanındı
• “Semaşko”da plastik borudan xərək “rüsvayçılıq”dır? - Video
• Klinika rəhbəri TV əməkdaşlarına hücum etdi - Video
• Kəlbəcərdə partlayış - 3 qurum birgə məlumat yaydı
• Baş Prokurorluq da işə qarışdı - Araşdırma aparılır
• Başçı özünə birinci müavin təyin etdi
• Sabah 38 dərəcə isti olacaq