Bakı şəhəri Qaradağ Rayon İcra Hakimiyyətinin başçısı Süleyman Mikayılovun vəzifəsindən azad edilməsindən artıq altı ay ötür. Prezident İlham Əliyevin müvafiq sərəncamı ilə yanvarın 30-da vəzifəsindən azad edilən 64 yaşlı sabiq icra başçısından sonra rayona hələ də yeni rəhbər təyin olunmayıb.

BUTA.TV-ın Metbuat.az-a istinadla məlumatına görə, hazırda Qaradağ Rayon İcra Hakimiyyəti başçısının səlahiyyətlərini birinci müavin Emil Abbasov icra edir.

Rayonun idarəçiliyini müvəqqəti olaraq öz üzərinə götürən Emil Abbasov tanınmış nəslin nümayəndəsidir. O, uzun illər məhkəmə sistemində müxtəlif məsul vəzifələrdə çalışmış, Abşeron, Yasamal və Sabunçu Rayon Məhkəmələrinin sədri olmuş tanınmış hüquqşünas İlqar Abbasovun oğludur.

Yerli siyasi dairələrdə və mediada Emil Abbasov uzun müddətdir boş qalan icra başçısı vəzifəsinə ən real namizədlərdən biri kimi göstərilir. Lakin gözlənilən təyinatın bu günədək baş tutmaması diqqət çəkir və müxtəlif ehtimalların irəli sürülməsinə səbəb olur.

Müşahidələrə görə, təyinat prosesinin uzanması birinci müavinin mövqeyinə də təsirsiz ötüşmür. Vaxt keçdikcə həm rayonda idarəetmə ilə bağlı qeyri-müəyyənlik artır, həm də yeni iddialılar ortaya çıxır. Bu isə Emil Abbasovun Qaradağ Rayon İcra Hakimiyyətinə rəhbər təyin olunmaq şanslarını azaldır.

• Qaradağ kanalında batan şəxsin meyiti tapıldı
• Anası stadion təmizləyir, o isə məşq edirdi... - İndi dünya çempionudur
• Süni intellektin inkişafı ilə bağlı məsul dövlət qurumları...
• Mərkəzi Gömrük Hospitalına yeni hüquq verildi
• “Vətənə xəyanət edənlərə yazığım gəlir” - Hikmət Hacıyevdən Tural Sadıqlıya
• Dondurmanın üzərinə qarışqa səpilir: nuş olsun – Video
• Məktəbəhazırlıq qrupları üzrə məktəb seçiminə başlanıldı
• Bakıda “Ambucycle” motosikletlər - Feldşerlər idarə edəcək-Fotolar