Dələduzluqda ittiham olunan şəxs Özbəkistandan Azərbaycana ekstradisiya edilib.
Bu barədə BUTA.TV-a Baş Prokurorluğun mətbuat xidmətindən məlumat verilib.
Bildirilib ki, Baş Prokurorluğun vəsatəti əsasında Özbəkistan Baş Prokurorluğu tərəfindən "Mülki, ailə və cinayət işləri üzrə hüquqi yardım və hüquqi münasibətlər haqqında" 07.10.2002-ci il tarixli Konvensiyanın tələblərinə uyğun olaraq Azərbaycan Respublikasının vətəndaşı Elgün Sədyar oğlu Soltanovun ekstradisiyası haqqında qərar qəbul olunub.
Belə ki, Bakı şəhəri Xətai rayon polis idarəsində ibtidai istintaq edilən cinayət işi üzrə Elgün Soltanovun külli miqdarda dələduzluq cinayətini törətməsinə əsaslı şübhələr müəyyən edildiyindən, barəsində təqsirləndirilən şəxs qismində cəlb etmə haqqında qərar qəbul edilib və o, istintaqdan yayınaraq gizləndiyinə görə beynəlxalq axtarışa verilib.
Elgün Soltanov Özbəkistan ərazisində saxlanılaraq Ədliyyə Nazirliyinin Penitensiar Xidmətinin xüsusi konvoyunun müşayiəti ilə Azərbaycana gətirilib.
- Dəmiryol Muzeyinə giriş qiymətləri ucuzlaşdı
- Niyə məhz “Radius”? - “LIQUI MOLY” qərarının səbəblərini açıqladı+Video
- Baş nazirdən yeni qərar...
- Qırğızıstan vətəndaşı Rusiyaya təhvil verildi
- Xətai İH Milli Mətbuat Günü ilə bağlı tədbir keçirdi - Foto
- 4 nəfər Rusiyadan Azərbaycana ekstradisiya edildi
- Bu şəxslər üçün ödənişsiz avtobuslar ayrıldı
- Özbəkistan onu Azərbaycana təhvil verdi