Fiziki şəxsin hüquqi şəxsdən icarəyə götürdüyü əmlaka görə ödəmə mənbəyində vergi tutmaq öhdəliyi yaranmır.
BUTA.TV Globalinfo.az-a istinadla xəbər verir ki, İqtisadiyyat Nazirliyi yanında Dövlət Vergi Xidməti fəaliyyət növü “7729002 – Digər paltarların kirayəsi” olan və 14 faiz dərəcə ilə gəlir vergisi ödəyən fiziki şəxsin ofisi hüquqi şəxsdən icarəyə götürməsi ilə bağlı suala aydınlıq gətirib.
Bildirilib ki, Vergi Məcəlləsinin 124.3-cü maddəsinə əsasən, hüquqi şəxslərə (müəssisələrə) və ya qeyri-rezidentlərin daimi nümayəndəliklərinə ödənilən icarə haqları ödəmə mənbəyində vergitutma obyekti deyil. Bu səbəbdən həmin icarə ödənişindən ödəmə mənbəyində vergi tutulması öhdəliyi yaranmır.
Dövlət Vergi Xidmətindən həmçinin qeyd olunub ki, qeyri-sahibkarlıq fəaliyyəti üzrə əldə edilən illik gəlirdən xərclər nəzərə alınmadan 14 faiz dərəcə ilə vergi tutulur.
Gəlir vergisi üzrə “Gəlir vergisinin bəyannaməsi” hesabat ilindən sonrakı ilin mart ayının 31-dən gec olmayaraq vergi orqanına təqdim edilməlidir.
- Orxan Fikrətoğlu: Kasıbın nə ədaləti olacaq? - Video
- Yağış yağacaq, dolu düşəcək – Xəbərdarlıq
- Sabahın hava proqnozu açıqlandı
- ABB bu sahədə daha 2 nüfuzlu beynəlxalq mükafat qazandı
- Siyəzəndə əməliyyat: 9 nəfər saxlanıldı - Foto
- Naxçıvan DOST Mərkəzinin xidmətlərindən 300 vətəndaş faydalandı
- Prezident balaca Gülərin ailəsinə traktor hədiyyə etdi - Video
- Abşeronda qadın ərini öldürdü