Ermənistanın xarici siyasəti yoxdur. Bu ölkənin addımları nə ekspertlər, nə də xarici tərəfdaşlar üçün anlaşılandır.

BUTA.TV xəbər verir ki, bunu erməni politoloq Suren Sərkisyan deyib.

“Hakimiyyətin beynəlxalq arenadakı davranışı strategiya və strateji planlaşdırmanın tam olmadığını, bir-biri ilə uyğun olmayan addımlar atıldığını göstərir.

Ermənistanın strateji müttəfiqi, ümumiyyətlə, müttəfiqi yoxdur. Yalnız maraqları üst-üstə düşən ölkələr var. Bununla belə, bu halda biz maraqların mütləq üst-üstə düşməsindən deyil, yalnız qismən üst-üstə düşməsindən danışırıq. Bu Ermənistanın xarici siyasətinin ardıcıl iflasa uğramasının nəticəsidir”, - o bildirib.

Sərkisyan qeyd edib ki, İrəvan müttəfiqlərlə münasibətlərini sürətlə məhv edir:

“Yeni güc mərkəzlərini əməkdaşlığa cəlb etmək üçün qətiyyən siyasət aparılmır. Məsələn, Gürcüstan Rusiyanın təsirindən çıxmaq istəyəndə AB-yə üz tutdu. Yəni müəyyən istiqamətdə konkret addım atdı. Ermənistan Rusiyanın təsirindən çıxmağa çalışırmı? Ermənistan Şimali Atlantika Alyansına qoşulmağı planlaşdırırmı?

Yəni bizim strategiyamız yoxdur və belə bir şəraitdə Ermənistan beynəlxalq tərəfdaşların gözündə etibarsız ölkəyə çevrilir”.

• İran Hörmüz boğazından keçid qaydalarını sərtləşdirir
• "Şimal Axını"nı Ukrayna partlatmayıb - Zelenski
• Belarus vətəndaşları Şimali Koreyaya vizasız gedə biləcək
• Qazaxıstanda seçkilər: "Ekzit-poll" nəticələri açıqlandı
• Prezidentin şərəfinə Daşkənddə atəşfəşanlıq - Video
• Prezident ailəsinin səmimi - Fotosu
• Prezident Zəngəzur dəhlizi barədə danışdı
• Prezident kişilərin qucaqlaşmasına qarşı çıxdı: Bu nədir?!