Qardaşımı artıq evə gətirdik. Özünü yaxşı hiss edir.

BUTA.TV xəbər verir ki, bu sözləri Oxu.az-a martın 28-də yaşadığı evin qarşısında sui-qəsd cəhdinə məruz qalan Milli Məclisin deputatı Fazil Mustafanın qardaşı İlqar Mustafayev deyib.

O bildirib ki, müayinələr üçün xəstəxanaya gedib-gələcəyik:

“Qardaşımın vəziyyəti yaxşıdır. Evdə həkim nəzarəti yoxdur. Hər şey qaydasındadır”.

Qeyd edək ki, hadisə martın 28-i saat 21:51 radələrində paytaxtın Sabunçu rayonu, Zabrat-1 qəsəbəsi, Babək küçəsi ev 2 “Z” ünvanında qeydə alınıb. Belə ki, Milli Məclisinin deputatı Mustafa Fazil Qəzənfər oğluna yaşadığı evin qarşısında “Kalaşnikov” avtomat silahından atəş açılaraq terror aktı törədilib. Nəticədə F.Mustafa bədənin sağ çiyin qurşağını və sağ budun aşağı üçdə birini dəlib keçən güllə yarası alıb. Ona zəruri tibbi xidmətlər göstərilib.

Xatırladaq ki, DİN-in mətbuat xidmətindən verilən məlumata görə, Fazil Mustafaya qarşı cinayət hadisəsi ilə əlaqədar Daxili İşlər Nazirliyi, Dövlət Təhlükəsizliyi Xidməti və Baş Prokurorluğun birgə keçirdiyi əməliyyat-axtarış, əməliyyat-istintaq tədbirləri çərçivəsində 4 nəfər müəyyən olunaraq saxlanılıb.

• Bu ərazilərdə işıq olmayacaq
• Bakıda dəhşətli qətl: Sələmçi 23 bıçaq zərbəsi ilə öldürüldü
• Azərbaycanda bu təşkilatda rəhbərliyin 95%-i vəfat edib
• FHN qar uçqunu təhlükəsi ilə əlaqədar əhaliyə müraciət etdi
• Azərbaycan daha bir ölkədən quzu əti idxalına başladı
• Yas mərasimlərindəki dəbdəbəyə qarşı... - Rəsmi
• ​Fevralın 24-də ölkədə bu bayram qeyd olunacaq
• Vüqar Qurbanov 300 minlik avtomobil sürürmüş - Nömrəsi də xüsusi seçilib - FOTO