Şimal-Cənub beynəlxalq nəqliyyat dəhlizinin tərkib hissəsi olan Bakı-Quba-Rusiya Federasiyası ilə dövlət sərhədi ödənişli yeni avtomobil yolu - Hacı Zeynalabdin Tağıyev qəsəbəsindən başlayaraq Rusiya sərhədinədək olan 150 kilometrlik hissə birinci texniki dərəcəyə uyğun inşa edilib və 4 hərəkət zolaqlıdır. Bu yolun 129 kilometrlik hissəsinin ödənişli olması nəzərdə tutulub.
BUTA.TV xəbər verir ki, bunu jurnalistlərə açıqlamasında Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli bildirib. Mətbuat xidmətinin rəhbəri qeyd edib ki, yol üzərində 4 məntəqə fəaliyyət göstərir - Giləzi, Siyəzən, Gəndob və Xaçmaz məntəqələri:
“Giriş və çıxış məntəqələr sürətli və adi keçid, digər kiçik məntəqələr isə hibrid zolaqlardır. Hər ikisindən də istifadə etmək mümkündür”.
O, həmçinin vurğulayıb ki, yeni yol mövcud yoldan 13 kilometr qısadır:
“Bu yolla tranzit və daxili yüklərin daha tez və asan daşınması təmin olunacaq. Sürət həddinə gəldikdə, hazırda ödənişli yoldan istifadə qaydaları müəyyənləşdirilir və bu, həmin qaydalarda əks etdiriləcək. Təbii ki, bu yolda sürət digər yollardan daha çox olacaq. Avtomobil yolu boyunca zəruri olan kamera və digər avadanlıqlar yerləşdirilib. Zərurət yarandıqca bu avadanlıqların sayının artırılması da təmin ediləcək. Ehtiyac olarsa, radarlar da quraşdırılacaq.”.
- İsrailin peycer partlayışlarında əli yoxdur - Hersoq
- Ukrayna ordusu Belqorodu atəşə tutdu: 10 yaralı...
- Ostin Qallantla danışdı: Hizbullahla mübarizə...
- Payız Azərbaycana daxil oldu
- Bayden rədd etsə, Ukraynanın B planı var - Zelenski
- Makronun reytinqi rekord həddə düşdü
- Netanyahu nazirlərə müsahibə verməyi qadağan etdi
- Dünya çempionatı: Akrobatlarımız 4-cü qızılı qazandı