Ermənistanla Azərbaycan arasında sülh sazişinin imzalanmasına dair müsbət irəliləyişlər var.
BUTA.TV Report-a istinadən xəbər verir ki, bunu Gürcüstan parlamentinin sədri Şalva Papuaşvili deyib.
Onun sözlərinə görə, Gürcüstanın əsas məqsəd və istəklərindən biri Ermənistanla Azərbaycan arasında sülhün bərqərar olmasıdır: "Şadam ki, bununla bağlı sülh sazişinin imzalanması üçün müsbət irəliləyişlər var. Ümid edirəm ki, bu, ən qısa zamanda həyata keçiriləcək. Çünki regionumuzu sülh və təhlükəsizlik məkanına çevirmək ümumi mənafeyimizə uyğundur”.
O qeyd edib ki, Gürcüstan dəfələrlə dostlarına - Azərbaycana və Ermənistana əsaslı müzakirələr üçün şərait yaradıb: "Bu, həmişə müxtəlif formatlarda və müxtəlif səviyyələrdə olub. Gürcüstan demək olar ki, hər iki dövlətin mütləq etimad göstərdiyi yeganə ölkədir”.
Qeyd edək ki, 2021-ci ilin sonunda Gürcüstan hökuməti Sülh Qonşuluq Təşəbbüsünə başladı. Ölkənin Baş naziri İrakli Qaribaşvili tərəflər arasında qeyri-rəsmi dialoq üçün regional platformanın yaradılmasını Azərbaycan və Ermənistana təklif edib. 2022-ci ilin iyulunda Tbilisidə Ermənistan və Azərbaycan xarici işlər nazirlərinin ilk görüşü baş tutub.
- Putin AZAL-ın təyyarəsi ilə bağlı öhdəlikləri niyə icra etmir?
- Bakı və Moskvadan Kadırova qadağa: Tədbirə buraxılmadı
- Paşinyan Əliyevə niyə daim təşəkkür etdiyini açıqladı
- Etiraf etməliyik ki, bu prosesə gecikmişik - Aynur Camalqızı
- AZAL təyyarəsinin qəzası: Rusiya bu ölkəni “hədəf” edir...
- Azərbaycandan alırıq, qalır satmaq...
- ABŞ ilk dəfə açıqladı: Bakı və İrəvan arasında dəhşətli müharibə...
- Yeni sülh planı: Kiyev nə qazanır və nələr itirir?