Türk Ağsaqqalları Birliyinin (TAİB) mərkəzi ofisində “Bultürk” Bolqarıstan türkləri Mədəniyyət və Xidmət Birliyinin sədri, araşdırmaçı yazar Rafət Ulutürkün iştirakı ilə “Heydər Əliyev və Azərbaycan-Bolqarıstan əlaqələr: Ulu öndərin Bolqarıstan türkləri qarşısında tarixi xidmətləri” mövzusunda dəyirmi masa keçirilib.
BUTA.TV xəbər verir ki, Heydər Əliyevin 100 illiyi çərçivəsində keçirilən tədbirdə, TAİB İdarə Heyətinin üzvləri, Gənclər Təşkilatının təmsilçiləri və ictimaiyyət nümayəndələri iştirak edib.
Rafət Ulutürk Bolqarıstan türklərinin Heydər Əliyevə xüsusi sevgisindən söz açaraq, Ulu Öndərin xidmətlərini heç vaxt unutmayacaqlarını bildirib:
“1980-ci illərin əvvəllərindən başlayaraq Bolqarıstan türklərinə qarşı repressiya aparılıb. Həmin dövrlərdə Heydər Əliyev Sov.İKP MK Siyasi Bürosunun üzvü kimi Bolqarıstana bir neçə dəfə səfər edib. Burada türklərin ad və soyadlarının zorla dəyişdirilərək bolqarlaşdırılması prosesi gedirdi, Ramazan və Qurban bayramları qadağan edilmişdi, 4 min türk qətlə yetirilmiş, 30 min nəfəri zindana salınmışdı. H.Əliyev Todor Jivkovun (1954-1989-cu illərdə Bolqarıstan Kommunist Partiyasının Mərkəzi Komitəsinin birinci katibi – red.) antitürk siyasətini tənqid edərək bu prosesin dayandırılmasını SSRİ rəhbərliyi adından tələb edib. Heydər Əliyevin müdaxiləsindən sonra bu proses dayandırılır”.
Rafət Ulutürk sonda vurğulayıb ki, Bolqarıstan türkləri Heydər Əliyevin xidmətlərini heç vaxt unutmayacaq, onun ruhunu daim ehtiramla yad edəcəklər.
- Ombudsmandan beynəlxalq təşkilatlara çağırış...
- SSRİ bayrağına görə həbs olunanlardan biri Elçin Bayramlı imiş - Foto
- “Güllü”nün qızına ömürlük həbs tələbi - Anasını balkondan o atıbmış...
- Xalq artistinə ağır itki - Foto
- Məşhur türk aktrisası Özge Gürel “44” filminin baş rolunda - Fotolar
- “44”ün ilk treyleri yayımlandı - Video
- Leyla Əliyevadan qardaşının doğum günü ilə bağlı paylaşım...
- Leyla Əliyeva qardaşını bu şəkillərlə təbrik etdi - Fotolar