Son günlər xüsusi təyinatlı nəqliyyat vasitələrinin, əsas da təcili tibbi yardım maşınlarının ardınca maşın sürüb, sui-istifadə hallarına yol vermə halları ilə tez-tez qarşılaşırıq.

“BUTA TV”nin məlumatına görə, sürücülərə çağırış edən Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli baku.ws-ə açıqlamasında bildirib ki, vətəndaşlar bu növ nəqliyyat vasitələrinə qarşı məsuliyyətli olmalıdırlar:

“Keçid üstünlüyü hüququna malik olan nəqliyyat vasitələrinə yol verilməməsinə və ya mütəşəkkil nəqliyyat dəstələrinə qoşularaq hərəkətə davam olunmasına görə İnzibati Xətalar Məcəlləsinin 331-ci maddəsinə uyğun olaraq 100 manat məbləğində cərimə və 3 cərimə balı nəzərdə tutulur. Bütün hərəkət iştirakçıları xüsusi təyinatlı nəqliyyat vasitələrinə yol verməlidirlər. Onların yoluna maneə yaratmaqla hərəkətləri ardıcıl, davamlı, mütəşəkkil dəstələrə qoşulmaqla edən şəxslər unutmasınlar ki, onlar özlüyündə inzibati məsuliyyət daşıyırlar. Bununla yanaşı, bu növ nəqliyyat vasitələrini idarə edən, operativliyin təmini üçün nəzərdə tutulan işləri həyata keçirən şəxslərə maneə yaradılmaqla mənəvi öhdəlik də daşıyırlar.

Hər bir vətəndaşımızdan məsuliyyətli olmağı xahiş edirik. Operativ nəqliyyat vasitələrinin hər hansısa birimizin qapısına müxtəlif vaxtlarda gözlənilməyən hallarda gələ biləcəyini də unutmamalıyıq”.

• Polşaya hücum: Putin qurbağanı qaynatmağa başladı
• 16 yaşlı qız cinsi zorladılar, 4 nəfər həbs olundu
• Sabiqlərlə bağlı SENSASİYA: Azərbaycanı təhlükə gözləyir - Siyahıdakı adlar...
• Onlar son zamanlar 100 milyonluq əmlak satıblar... – İDDİA
• Rus dronları Polşaya qəsdən girib – Putinin məqsədi nədir?
• Manaf Ağayevin oğluna vəzifə verildi
• Onlar da polisin vəzifələrini icra edəcək
• Qabil Məmmədovla bağlı qərar verildi