Köhnə avtobillərin texniki parametrləri tələblərə uyğun gəlmirsə, texniki baxışdan keçirilməsi mümkün olmayacaq, belə olduqda da sürücü həmin avtomobili sürə bilməyəcək, sürsə, hər dəfə cərimə olunacaq.

Bu sözləri BUTA.TV-a açıqlamasında Elməddin Muradlı köhnə avtomobillərin utilizasiyası prosesinə başlanılması haqda danışarkən deyib.

“Köhnə maşınların utilizasiyası ilə bağlı məsələ uzun müddətdir müzakirə olunur. Proses, əslində, hazırda könüllülük prinsipi nəticəsində həyata keçirilir. Amma hesab edirəm ki, bu, gələcəkdə inzibati metodlarla tənzimlənəcək. Nəzərə almaq lazımdır ki, bu cür məsələlər könüllülük prinsipi ilə həyata keçsə, effektivlik az olacaq. İnsanlar köhnə maşınlarından əl çəkmək istəmir. Onların bu işə marağı, istəyi nə qədərdir, bunu zamanla gördük. Araşdırmalarda məlum olur ki, insanlar köhnə avtomobillərini utilizasiyaya vermək üçün bazar qiymətindən daha çox pul tələb edirlər. Utilizasiya elə bir prosesdir ki, burada insanların mənəvi yanaşması da vacibdir.

Köhnə avtomobillər, əlbəttə, təhlükəlidir. Birləşmiş Millətlər Təşkilatının araşdırmasına görə, dünyada ətraf mühitin çirklənməsində 60 faizdən yuxarı göstərici avtomobil nəqliyyatının üzərinə düşür. Bakı şəhərində bu göstərici isə 80 faizdir“, - E.Muradlı bildirib.

• Dumanın deputatı: Azərbaycandan nümunə götürün!
• Pakistan səfirindən Zəngəzur açıqlaması: Bir neçə seçim...
• BƏƏ prezidentinin Şuşada rəsmi qarşılanma mərasimi...
• Hava limanında taksi 4 dəfə bahalaşdı – AYNA isə hamını ələ salır
• Lavrov təsdiqlədi: Azərbaycan bu müsabiqəyə qatılmayacaq
• Prezidentin Şuşada verdiyi tarixi mesajlar - 15 sentyabr detalı…
• Putini bir müsahibə ilə darmadağın etdi...
• Üç il öncə “yoxa çıxan” nazir Şuşada peyda oldu - Foto