Son zamanlar cəmiyyətdə göz rənginin əməliyyat yolu ilə dəyişdirilməsi mövzusu geniş müzakirələrə səbəb olub.

BUTA.TV Oxu.az-a istinadla xəbər verir ki, bəzi vətəndaşlar bu dəyişikliyin şəxsiyyət vəsiqəsi alarkən problem yarada biləcəyi ilə bağlı narahatlıqlarını ifadə ediblər.

"Adi halda şəxsiyyət vəsiqəsi alanda gözümüzdəki eynəyi və ya linzanı çıxarmaq tələb olunur, bəs göz rəngini dəyişmək şəxsiyyət vəsiqəsi almağa problem yarada bilərmi və ya göz rəngi dəyişəndən sonra mövcud vəsiqəmizi dəyişməliyikmi?" - deyə vətəndaş sual edib.

Daxili İşlər Nazirliyinin Mətbuat Xidmətinin baş inspektoru, polis leytenantı Elbrus İbrahimov vəsiqəni dəyişməyə ehtiyac olmadığını bildirib.

"Biometrik şəxsiyyət vəsiqəsinin göstəricilərinə əsasən, şəxsin üz quruluşunun və yaxud göz rənginin dəyişdirilməsi onun kimliyini müəyyən etməkdə maneə yaratmır", - E.İbrahimov deyib.

Qeyd edək ki, müasir tibb elminin inkişafı sayəsində artıq göz rəngini dəyişdirmək mümkündür. Lazer texnologiyalarından istifadə etməklə həyata keçirilən bu əməliyyatlar son illərdə daha geniş yayılmağa başlayıb. Əsasən gözəllik və estetik məqsədlərlə edilən bu cərrahi müdaxilələr zamanı gözün təbii rəngi dəyişdirilir və vətəndaşın istədiyi rəng əldə edilir.

Mütəxəssislər bu əməliyyatların müəyyən riskləri və ciddi tibbi nəzarət altında aparılmalı olduğunu vurğulayırlar.

• Təsadüfən əsas heyətə düşüb DÇ-nin taleyini dəyişdi - Fotolar
• Belçika darmadağınla 1/4 finalda - Yenilənib - Video
• Məğlubiyyətdən sonra mətbuat konfransında istefa verdi - Video
• Heyvan idxalı ilə bağlı yeni qayda: Ət bahalaşacaq? - Video
• Ronaldo dünya çempionu ola bilmədi - Yenilənib - Video
• Autizmli uşağa liftdə zorakılıq edən şəxs - Saxlanıldı
• 50 yaşlı kişi 14 yaşlı qonşusunu otlağa görə armaturla döydü - Yenilənib
• Qətər təyyarəsi məcburi Bakıya eniş etdi