Azərbaycan Prezidenti İlham Əliyevlə iqlim dəyişikliyi ilə mübarizədə əməkdaşlıq, Serbiyada qaz elektrik stansiyasının tikintisi ilə bağlı məsələləri müzakirə etdik.
BUTA.TV xəbər verir ki, bu barədə iqlim konfransının açılışına gələn Serbiya Prezidenti Aleksandr Vuçiç jurnalistlərə açıqlamasında bildirib.
“İndicə Azərbaycan Prezidenti İlham Əliyevlə görüşdüm. Dəvətinə və qonaqpərvərliyinə görə ona dərin minnətdarlığımı bildirirəm. Biz COP ilə bağlı bəzi mühüm məsələləri müzakirə etdik və Serbiyada qaz elektrik stansiyasının tikintisi ilə bağlı müzakirələrə başladıq. Hər iki ölkə Serbiyanın cənubunda yerləşən Nij şəhərindəki bu qaz elektrik stansiyasının səhmdarları ola bilər. Reallaşdıra bilsək, bu, sıx əməkdaşlığımızda daha bir mühüm addım olacaq”, - o deyib.
Serbiya liderinin sözlərinə görə, bu layihə onun ölkəsi üçün çox vacibdir:
“Azərbaycan artıq Serbiyaya qaz tədarük edir. Bizimlə yeni layihədə iştirak etməyə hazır olduqları üçün Azərbaycandan olan dostlarımıza təşəkkür edirik.
Son bir ildə ticarət dövriyyəsinin səviyyəsini 5 il əvvəlki ilə müqayisədə uğurlu şəkildə, 30 dəfə artırmışıq və bu, misilsizdir. Özümü Azərbaycanda, Bakıda həqiqətən də evimdəki kimi hiss edirəm və gələn ilin yayında ölkənizə yenidən gələcəyimə ümid edirəm”.
- Gənc deputatların “ŞƏKİL HƏVƏSİ” - Parlamentə “fotostudiya” kimi baxan millət vəkillərinin əsl vəzifəsi nədir?
- "Mənə zəng elədilər ki, can üstədir səni görmək istəyir, getmədim, indiyə qədər onu bağışlamıram" - VİDEO
- Əliyevin Çin səfəri nəyin göstəricisidir? – Rusiyadan baxış
- Həkimlər Əli Mirəliyevə vaxt qoydu
- Qadın 75 yaşlı qadını öldürüb, quyuya atdı
- Szinpin Əliyevlə görüşdə tariflərə etiraz etdi
- Azərbaycanda pensiyalar nə vaxt artırılacaq? - İlkin tarix
- Türkiyə ordusu inqilab edir: Dünyada PUA daşıyan ilk gəmi!