Ermənistan Baş naziri Nikol Paşinyan ABŞ-a səfəri çərçivəsində Rocer Uiker (Respublikaçılar Partiyası), konqresmen Endi Harris (Respublikaçılar Partiyası), konqresmen Frank Pallone (Demokratlar Partiyası) və konqresmen Riçard Hudsonla (Respublikaçılar Partiyası) görüşüb.

BUTA.TV xəbər verir ki, bu barədə erməni mediası yazıb.

Görüş zamanı Ermənistan və ABŞ arasında strateji tərəfdaşlığın inkişaf perspektivləri, Ermənistan-Azərbaycan sülh prosesi, regional kommunikasiya marşrutlarının açılması imkanları və s. müzakirə olunub.

İclas iştirakçıları regionda sülhün və sabitliyin təmin edilməsinin, eləcə də Ermənistan hökumətinin “Sülh yollarının kəsişməsi” təşəbbüsünün həyata keçirilməsinin vacibliyini vurğulayıblar. Baş nazir Paşinyan Ermənistan hökumətinin sülh gündəliyinə sadiq olduğunu bir daha təsdiqləyib və Cənubi Qafqazda sabitliyin möhkəmləndirilməsində ABŞ-ın rolunun vacibliyini vurğulayıb.

Qeyd edək ki, Paşinyanın görüşdüyü senator və konqresmenlər ermənipərəst mövqeləri ilə seçilirlər. Senator Rocer Uikerin başçılıq etdiyi nümayəndə heyəti ötən il iyulun 2-də Ermənistana gəlmişdi. Heyət səfər çərçivəsində Ermənistan-Azərbaycan sərhədinə də baş çəkməyi unutmamışdı, Cermukun sosial-iqtisadi vəziyyəti və turizm imkanlarını “yerində” müzakirə etmişdi.

Frank Pallone isə Azərbaycanda kifayət qədər “məşhur” simadır. O, hətta COP29 zamanı da Bakıya gəlmişdi. Pallonenin adı Azərbaycanda qara siyahıdadır.

• BƏƏ prezidentinin Qarabağ səfəri bunu təsdiq etdi – Bayramov
• Dumanın deputatı: Azərbaycandan nümunə götürün!
• Pakistan səfirindən Zəngəzur açıqlaması: Bir neçə seçim...
• BƏƏ prezidentinin Şuşada rəsmi qarşılanma mərasimi...
• Hava limanında taksi 4 dəfə bahalaşdı – AYNA isə hamını ələ salır
• Lavrov təsdiqlədi: Azərbaycan bu müsabiqəyə qatılmayacaq
• Prezidentin Şuşada verdiyi tarixi mesajlar - 15 sentyabr detalı…
• Putini bir müsahibə ilə darmadağın etdi...