İmişlinin 8 il 6 ay həbsə məhkum edilmiş sabiq icra başçısı Vilyam Hacıyevin müsadirə edilən daha bir əmlakı satılıb.

“BUTA.TV”nun əldə etdiyi məlumata görə, söhbət onun əvvəl prokuror işləyən oğlu Məhəmməd Hacıyevə aldığı “Range Rover”dən gedir.

Məhkəmə həmin avtomobilin cinayət yolu ilə qazanılmış pullar hesabına alındığını təsdiq edəndən sonra maşın müsadirə edilmişdi.

Məhəmmədin “Range Rover”i əvvəl 56 min manata satışa çıxarılsa da, o qiymətə alıcı tapmayıb. Sonradan qiymət 14 min ucuzlaşaraq 42 minə salınıb. Yekun hərracda isə icra məmuru avtomobili 47 min 500 manata sata bilib.

Satışdan gələn pul dövlətə nəfinə keçəcək.

Xəbəri rus dilində oxuyun: Продан конфискованный Range Rover сына Вильяма Гаджиева

Qeyd edək ki, indi ucuz qiymətə verilən həmin “Range Rover”in əvvəl 100 min manata yaxın qiyməti var idi. Müsadirədən sonra isə Məhəmmədlə həyat yoldaşı bu avtomobilə görə məhkəməlik olub. Hacıyevin həyat yoldaşı iddia edirdi ki, “Range Rover” birgə evlilik dövründə alınıb, bu səbəbdən pay hüququ var. Lakin iddia qəbul edilməmişdi.

Sail Ağasəlim

• ABB istiqrazlarına yüksək investor marağı davam edir
• Xankəndi beynəlxalq konfransa ev sahibliyi edəcək
• Kolleclərə qəbul olmaq istəyənlərin nəzərinə!
• Nəhayət ki, o “Range Rover” satıldı
• Hüquq təhsili almaq istəyənlərə maneə… - Ekspert
• Keçmiş vəkil ev dustaqlığına buraxılmadı
• Bakının ən təmiz çimərlikləri açıqlandı
• 19 minlik naqilləri oğurlayan dəstə saxlanıldı – Video