İşğalçı müharibə başlayandan bu yana Priqojinin açıqlamalarını və müxtəlif məsələlərə reaksiyasını izləyirəm və gəldiyim qənaət budur ki, bu şəxsin başkəsənlərin lideri kimi Ukrayna torpaqlarının işğalında və qətliamlarda rolu olsa da, zaman-zaman mövcud durumu bəzəmədən deyənlərdən biridir.
BUTA.TV xəbər verir ki, bu sözləri politoloq Elxan Şahinoğlu Rusiyanın “Vaqner” muzdlu hərbi qruplaşmasının rəhbəri Yevgeni Priqojinin Ukraynada müharibənin dayandırılmasıyla bağlı geniş yazısı haqda qeyd edib.
O bildirib ki, Kremlin ruporları televiziya kanallarında müharibədə “uğurlardan” danışarkən, Ukrayna ordusunu aşağılayarkən, Priqojin “qarşı tərəf zəif deyil, müqaviməti güclüdür” deyirdi, indi isə müharibəni dayandırmaq lazım olduğunu bildirir:
“Priqojinin məntiqi sadədədir: “Rusiya Donbasın böyük hissəsini ələ keçirib, Ukrayna parçalanıb, xeyli itki verib, Azov dənizinə çıxış nəzarətə götürülüb, Krıma quru yolumuz var, bəsimizdir, olanı qorumaq lazımdır”. Priqojin bəlkə də savaşda iştirak edən rusiyalı generalların açıq deyə bilmədiyini səsləndirib. Priqojin və onunla həmfikir olan generallar anlayırlar ki, müharibənin davamı Rusiyanın itkilərini artıracaq, ortada isə real nəticə olmayacaq.
Priqojin onu da anlayır ki, Rusiya müharibənin dayandırıldığını elan etsə belə, Ukrayna dayanmayacaq. Çünki Kiyev müharibənin dayandırılmasını deyil, Rusiya ordusunun Ukrayna ərazisini tərk etməsini istəyir. Priqojinin təkliflərində isə işğal ərazilərini tərk etmək cümləsi yoxdur. Priqojin Ukraynanın Rusiyanın təklifinə razılaşmayacağı halda hadisələrin iki variantda inkişaf edəcəyini proqnozlaşdırıb: “Ya Ukrayna ordusu əks-hücuma keçərək hansısa ərazilərin azad etdikdən sonra müqavimət gücü zəifləyəcək, ya da onların əks-hücumu nəticə verməyərək, biz onları Polşa sərhədinə qədər qovmağa başlayacağıq”. Ancaq Priqojin yazısında muzdluların və Rusiya ordusunun Ukrayna ordusunu Polşa sərhədinə qədər qovacaq enerjisinin və potensilanın qalmadağına da işarə edib”.
Politoloq Priqojinin yazısından aşağıdakı nəticələrin çıxdığını vurğulayıb:
“Birincisi, “Vaqner” muzdluları və Rusiya ordusu irəliyə bilmir və itkiləri artır.
İkincisi, Priqojin Ukrayna ordusunun böyük əks-hücum əməliyyatına başlayacağına və bunun Rusiya üçün ağır nəticələri olacağına eyham vurur.
Üçüncüsü, Priqojinin təklifi bölgəyə sülh gətirməsə də, Rusiya siyasi elitasında və cəmiyyətində “müharibəni daha nə qədər davam etdirə bilərik” diskussiyalarını genişləndirəcək”.
- Rusiyada yanacaq böhranı nə vaxt bitəcək? Putin cavab gözləyir
- BƏƏ ərazisinin bir hissəsini İrana verməlidir - Deliqani
- Putinin uzunmüddətli hədəflərindən biri… - Zelenski
- Yenidən prezident seçilmək hüququm var - Tokayev
- Rusiya itkilərinin 80 faizini bu şəhərdə verir
- Prezident xanımı ilə Özbəkistandadır - Fotolar+Video
- Erməni ordusunda insident: Hərbçi öz yoldaşını güllələdi
- İlham Əliyevin təyyarəsi Daşkəndə çatdı - Video