Bakı-Quba istiqamətində yeni istifadəyə verilən ödənişli yoldan görüntülər yayılıb.
Belə ki, yoldan istifadə edənlər bu barədə sosial şəbəkələrdə paylaşım edirlər. BUTA.TV Oxu.az-a istinadən xəbər verir ki, paylaşımlardan birində, ödənişli yolda sürətlə hərəkət edən nəqliyyat vasitəsinin qarşısına qoyun sürüsünün çıxdığı iddia edilir.
Hər tərəfdən bağlı olan yola heç bir canlının daxil ola bilmədiyi halda, qoyunların yola necə çıxdığı sual doğurur. Sürücü deyir ki, həddən artıq yüksək sürətlə getdiyi yolda qarşısına qoyun sürüsü çıxıb:
“Yolun iki tərəfdən bağlı olduğunu görürəm. Amma bu qoyunlar yola haradan girib bilmirəm”.
Digər görüntülər isə axşam saatlarında ödənişli yoldan istifadə edən sürücü tərəfindən paylaşılıb. Görüntülərdə yol boyu işıq dirəklərinin olmaması diqqət çəkib.
Ümumiyyətlə, ödənişli yola süni maneələrin haradan və necə çıxması, axşam saatlarında sürücülərin rahat hərəkəti üçün niyə işıq dirəklərinin olmaması ilə bağlı suallarımızı Azərbaycan Avtomobil Yolları Dövlət Agentliyinə (AAYDA) ünvanladıq.
Qurumun Mətbuat Xidmətinin rəhbəri Anar Nəcəfli bildirib ki, sözügedən görüntülərin ödənişli yola aid olduğunu demək çətindir:
“Ödənişli yola qoyun sürüsünün çıxması ilə bağlı fakta rast gəlməmişik. Bu cür hallar Ələt-Astara yolunda tez-tez olur. Çünki orada yol kənarı məftilli torlarla bağlanıb, camaat məftilləri kəsib sürünü yol kənarına buraxır”.
Ödənişli yolda işıq dirəkləri ilə bağlı sualı cavablandıran mətbuat katibi deyir ki, yolun tam işıqlandırılması nəzərdə tutulmayıb:
“Yolda işıqlandırma yalnız yol qovşaqlarında nəzərdə tutulub, tam yolboyu yox. Ümumi yol üçün yol kənarında elementlər, yol nişanları, aidiyyəti üzrə yol qurğuları, xətlənmələr, yol ayrıclarında olan nişanlar hamısı işıqqaytarma effektinə malikdir. Gecə nəqliyyat vasitələri bu yolda çox rahat şəkildə hərəkət edə bilirlər. Yol hər bir tərəfdən bağlı olduğu üçün heç bir təhlükə də yoxdur. Həmin yolun tam işıqlandırılması nəzərdə tutulmayıb. Qaranlıq saatlarda belə yolda heç bir təhlükə yoxdur”.
- Samirə Ermənistana buraxılmadı, Paşinyana mesaj verdi - Foto
- Kəşfiyyatçılar Moskvada bir araya gəldi
- "Azpulmat” və “Manato”dan istifadə edənlərə mühüm xəbər
- Əgər Berbok Azərbaycanı “danlayırsa”, deməli... – Markov
- Qız qaçıran kişi maşının baqajında ölü tapıldı
- Duda Bakıdan sonra niyə İrəvana getdi?
- Bu ölkə Ermənistana S-300-lər göndərir - Təcili
- Taksi qiymətlərində yenidən DƏYİŞİKLİK