Suriya Prezidenti Bəşər Əsədin ölkəni tərk etmək planlarını gizli saxladığı və qaçmazdan əvvəl rəsmiləri Rusiyanın yardım edəcəyinə əmin etdiyi iddia olunur.

“BUTA.TV” xəbər verir ki, bu barədə “Reuters” mənbələrə istinadən məlumat yayıb.

“Moskvaya qaçmasına bir neçə saat qalmış Əsəd şənbə günü Müdafiə Nazirliyində 30-a yaxın hərbi və təhlükəsizlik rəisləri ilə görüşdə Rusiyanın hərbi dəstəyinin yolda olduğuna inandırıb və quru qoşunlarını müqavimətə çağırıb”, - deyə agentlik qeyd edib.

Bildirilir ki, o, qaçış planlarını uzun müddət gizlədib, hətta elit 4-cü zirehli diviziyanın komandiri kiçik qardaşı Maher Əsədə belə məlumat verməyib.

Əsədin köməkçisinin sözlərinə görə, o, şənbə günü prezident aparatının rəhbərinə işini bitirdikdən sonra evə getdiyini deyib, lakin hava limanına gedib.

Onun sözlərinə görə, Əsəd həmçinin media üzrə müşaviri Buthaina Şaabana zəng edib və ondan çıxış yazmaq üçün evinə gəlməsini istəyib. Müşavir isə evə gəldikdə heç kimin olmadığını görüb.

Üç keçmiş yaxın köməkçisi və yüksək rütbəli regional məmur Əsədin yaxın ailəsi, həyat yoldaşı Əsma və üç uşağının onu Moskvada gözlədiyini bildirib.

Məlumata görə, Əsəd evindən tələsik çıxıb. Onun evindən çəkilmiş videolarda ailə albomları, sobada qalan bişmiş yeməklər əksini tapıb.

• Müğənnilərin konsert biletləri neçəyədir? – Qiymətlər təəccübləndirir
• Erməni general Hindistan bazasında
• Mirziyayev Paşinyanı təbrik etdi
• “Filankəs xanımın məktəbi” yaxşı anlayış deyil”
• Putin-Modi görüşündə Ukrayna müzakirə oluna bilər
• Putin və Szinpin görüşəcəklər
• Məcnun Məmmədov özünə daha bir müşavir təyin etdi - Foto
• Bu dəfə rəqibi Həmidə Ömərova oldu - Qalib gəldi-Fotolar-Yenilənib