2026-cı ildə Türkiyədə əhalinin tərkibində kişi və qadınların nisbəti 86 ildən sonra ilk dəfə zərif cinsin xeyrinə dəyişəcək.
BUTA.TV Azərtac-a istinadən xəbər verir ki, bu barədə Türkiyə Statistika İdarəsinin (TSİ) iyulun 31-də, çərşənbə günü açıqlanan demoqrafik proqnozunda deyilir.
TSİ xatırladıb ki, 2023-cü ilin sonuna olan məlumata görə, Türkiyə əhalisi 85 milyon 372 min 377 nəfərdir, onların 42 milyon 734 min 71 nəfəri kişilər, 42 milyon 638 min 306-sı qadınlardır.
Ekspertlərin hesablamalarına görə, 2026-cı ildə Türkiyədə 86 milyon 654 minə yaxın insan yaşayacaq, üstəlik qadınların sayı kişilərin sayını bir qədər də üstələyəcək.
Eyni zamanda, 2075-ci ilə qədər Türkiyədə qadınların sayı kişilərin sayını artıq 1,5 milyon nəfər üstələyəcək və bu tendensiya ən azı XXII əsrin əvvəlinə qədər davam edəcək.
TSİ hesab edir ki, 2050-ci ildən sonra ölkə əhalisinin sayı tədricən azalmağa başlayacaq.
- Bir çox qərəz və məkr görürük – Hacıyevdən mühüm
- “Rusiya ən azı 6 müstəqil dövlətə parçalanmalıdır...”
- “Süni intellekt gələcəkdə bir çox tibbi ixtisasları əvəz edəcək”
- Bəstəkarın ölümünün təfərrüatı: Hadisə dənizdə olub...
- Azərbaycanla münasibətə görə ürəyim qan ağlayır - Kalaşnikov
- Rusiyada yaşayan azərbaycanlılara xəbərdarlıq
- Rusiyanın Azərbaycanla bağlı planı budur - Saakaşvili
- Azərbaycan diplomatları Xankəndidə toplaşır