Qarabağın və Şərqi Zəngəzurun bərpasına tətbiq edilən proqram Qazax rayonunun Ermənistanla sərhəddə Azərbaycanın nəzarətinə keçən 4 kəndində həyata keçirilə bilər.

BUTA.TV xəbər verir ki, bu sözləri TASS-a Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib.

“Tam əminəm ki, Qarabağ bölgəsini dirçəltməyə imkan verən unikal proqram, əlbəttə ki, bu kəndlərdə də həyata keçiriləcək, bütün Qazax rayonu kimi onlar da gözəlləşəcək, çiçəklənəcək”, - o bildirib.

S.Seyidov hazırda böyük hissəsinin yataqxanalarda məskunlaşdığı köçkünlərin bu kəndlərə qayıdacaqlarına əminliyini ifadə edib. Onun sözlərinə görə, Azərbaycanda bərpa proqramları sürətlə həyata keçirilir.

Parlament komitəsinin rəhbəri onu da qeyd edib ki, Ermənistanla sərhədin delimitasiyası prosesi uğurla inkişaf edir.

Qeyd edək ki, 24 mayda Azərbaycan DSX Qazaxın işğaldan azad edilən 4 kəndinə nəzarəti bərpa edib.

• Moskvada azərbaycanlı məşhur qanuni oğru saxlanıldı - VIDEO
• Azərbaycan “Roma statusu”na qoşularsa... - Putin Bakıda həbs olunacaq?
• Moskva hədəfi Ağalarova çevirdi, proses başladı - Sifarişi kim verib?
• ABŞ-ın Azərbaycandakı yeni müvəqqəti işlər vəkili təyin olundu
• Rusiya Baş Prokurorluğu: Bakı ilə müntəzəm təmasdayıq
• İngilis səfirdən Yekaterinburq hadisələrinə reaksiya
• Prezidentlər Xankəndidə tikiş fabrikində...
• Mirziyayevin budəfəki dövlət səfəri böyük əhəmiyyət kəsb edir