Aprelin 7-də Bakı Hərbi Məhkəməsində davam etdirilən məhkəmə prosesində təqsirləndirilən şəxs – David Babayan dövlət ittihamçısının sualını cavablandırarkən etiraf edib ki, vaxtilə işğal altında olan ərazilərdə yaşayan erməni sakinlərinin Azərbaycana inteqrasiyasına qarşı olub.
BUTA.TV xəbər verir ki, o, “inteqrasiya mümkünsüz idi” deyib.
D.Babayan digər təqsirləndirilən şəxslər – Arayik Arutyunyanın, Ruben Vardanyanın, habelə qondarma rejimin başqa “vəzifəli” şəxslərinin də inteqrasiya əleyhinə olduğunu etiraf edib. “Heç bir “vəzifəli” şəxs belə bir inteqrasiyanın perspektivini görmürdü”, - deyə o bildirib.
Qeyd edək ki, Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşlarının məhkəməsi davam etdirilir.
- Tramp istədiyini aldı, İran sözünü geri götürdü – Təcili
- Türkiyə səfirliyi Azərbaycana başsağlığı verdi
- İlham Əliyev bu komissiya ilə bağlı dəyişiklik etdi
- Vergidən azad edilən materialların siyahısı genişləndirildi
- Babayandan etiraf: Saytlarımız bu domenlə qeydiyyata alınırdı
- Ölkədən getmək istəyən borclu şəxslərə SMS göndəriləcək
- “Qırmızı Körpü” və “Samur”la bağlı mühüm qərar
- Qarabağdakı mina partlayışına BMT-dən reaksiya